301.Tudia ho tusi do au
Ale ito na uli na lagu andigan boi alusanmu au
Nunga leleng tarpaima au denggan alusi hasian
Ho.. holong mi tu au ito dang na juaonku
Pangidoanku ito tujabunami ho ro
Asa denggan do alusanku hatami
Mauliate ma da hasian burju do ho mangalusi au
Naingkon ro do au tu jabumi
Paboa ma tu nantulang i
Ho… hupaima pe ito di haroromi
Laos dongkon ma tu damang nang dohot tu dainang
Asa dijangkon pargaulanta i ito
Au dohot ho
Ho dohot au tung na so jadi sirang
Ai molo so ai molo so sinirang hamatean
Tudia ho tusi do au didia ho disi do au
Sonang ma ho rap dohot au
Sonang ma au rap dohot ho
302.Sinegerneger
Motor batang gadis supir natuatua
Laho tu Sipirok mamolus aek godang
Sahat ma disi minum tuak tolu poting
Huida boru Tobing rohangki humosinghosing
Bollobollo hihi bollobollo haha
Pauba rohami o halak hita
Sai selamat ma sinegernegeri agen ni sibualbuali
Tu Siantar tu Sipirok Padang Panjang Pardekok
Sai selamat ma sinegerneger i
Sai selamat ma sinegernegeri agen ni sibualbuali
Tu Siantar tu Sipirok Padang Panjang Pardengklok
Sai selamat ma sinegerneger i
303.Ise do na sala
Dung saut au tu ho hasianku
Soada arsak di bagasan rohangkon
Tu ho do hasian mangalualu
Lao papuashon na di bagas rohangkon
Alai di na so panagaman i
Ro ma angka pangunjunan i
Jotjot ma tubu parbadaan i
Holan na marsahala mamingkiri i
Ise do na sala hasian
Aha do singkap mabarbarmi
Sotung gabe sursar hasian
Sursar parsaripeonta on
Ise do na sala au do manang ho bereng ma anakta i
Sotung gabe mamparampar
Sotung gabe so marama
Sotung gabe somarina i
304.Unang paksa au ito
Sahali dua hali dibaen ho tu au na hansit
So aha hudok tu ho
Huboto nga margabus ho tu au alai tong sai huoloi
Ala ni holongki tu ho ito ala ni sayangki tu ho
Jala arop dope rohangku denggan pargaulanta
Tudos tu galas na lao mapuntar i hubunganta on nuaeng
Ai lam dao do ho sian lambungki lupa ho di janji
Disangaja ho do lao ito
Molo dibereng ho au hasian
Dibahen ho do au songon alom mabiar ho tu au
Unang paksa au ito manggotap holong
Unang paksa au mandokkon sirang
Pingkiri ma ito rimangrimangima di bagas rohami
Unang paksa au ito tu pandelean
Unang paksa au ito tu paningkotan
Bungka ma ito pintu ni rohami ingot padanta i
Tung so maranak tung so marboru ise siose padan
305.Malala ateate
O.. songon bulan maila tu mataniari
O.. songoni ma bohimi manjalo tanganki
Tung las rohangki jala mansai lambok pangkilalaan
Marbalos do hape holong na di roha
O.. songon ronggur na songgot di hos ni ari
O.. songoni ma rohangki umbege tonami
Naung saut do hape bogasmi tu sidoli na asing
Malala rohangki malala ateate
Tangiangkon au ito nimmu tu au di na lao borhat ho
Mardongan ilu do au paborhathon ho marhuta sada
Hape dang be mulak ho laos holan tona ma na ro tu au
Malala rohangki malala ateate
306.Bunga pansur
Adong sada bunga na uli bungana mansai denggan
Jala hushus na uli rupana mangerbang berengon
Ida ma i bunga pansur i rupana mansai uli
Manogotna i mangerbang do i uli do idaon
Dung nangkok mataniari i gabe malos do bunga i
Dung lam ro bot ma ari i
Laos madekdek bunga i tu tano i
Songoni do nang jolma i
Na sangap na mora na pogos
Molo jumping tingkina tu tano ujungna
Jala bunga pansur i nunga tudosan i
Ala ni rade ma hita di harorona i
307.Gira do au tadingtadingan
Tio pe mual dang tarinum au porhot pe hau dang tarjangkit au
Songon sanduduk nihilhil na marsalaon i
Na hansit ma di au ale inang
Gira do au tadingtadingan da nahinan
Na hansit ma di au ale inang
Gira do au tadingtadingan da nahinan
Na ponjot so nabolon au amang na sungkot sonatimbo au inong
Dang tarandungkon au be inang
Na hansit ma hutaon ale inang
Gira do au tadingtadingan da nahinan
Na hansit ma hutaon ale amang
Gira do au tadingtadingan da nahinan
Dang tarsurat be sidangolon gira do au tadingtadingan
Dang tarsurat be sidangolon gira do au tadingtadingan
Huhaol ma inong udeanmi hugarut ma among tanomanmi
Tondit songon batu malonglong i
Hurimpu do boi pajumpang tu damang i
Hape naung sonang do si haroburon i
Hurimpu do boi pajumpang tu dainang i
Hape naung sonang do si halonglongan i
Dang tarsurat be sidangolon gira do au tadingtadingan
Dang tarsurat be sidangolon gira do au tadingtadingan
308.Mulak ma ho amang
Tangihon au amang borum na dangol on
Na sai lulululu na sai joujou
Didia ho amang parsinuan
Na so diingot ho do au amang
Nunga magodang au sinuan beumon
Tung mulak ma jo ho satongkin pe amang
Masihol au pajumpang dohot ho
Malungun au umbege soaram
Dainang i nunga marniang da amang
Jotjot tariluilu paingotingot ho
Andigan do ho ro sian luat na dao
Mulak ma jo ho amang mulak tu huta on
Ai dang tarjua ho na so gellengmu au
Holan goarna do au maramahon ho
Hape magodang au so dung diida ho
309.Unang mandele
Nunga tung leleng dung lao ho dao
Lao manadingkon hami
Hami hinaholonganmon
Lao tu paradiananmi adian hasonangan
Di siamun ni Tuhan na so hajalahan i
Na so hajururan i
Nunga tung mansai leleng sasada au nama
Namarmudumuduhon sude ianakhonta on
Pinagodang ni ilungki
Pinabolon ni ulu nahansit nang na bernit
Bagian na dangol i sasude hutaon do i
Margogo di tangiang nama au
Asa tung unang mandele rohangki
Margogo di tangiang nama au
Gellengta i gellengta i unang marina panoroni
Gellengta i do na umarga di au
Gellengtai gellengta i paima ma barita ni haduan
Lao boanonku mandapothon ho
310.Tangis di na buni
Oh.. inang inang pangintubu
Oh.. amang amang parsinuan
Tangis ho ale inang di na buni
Mengkel ho ale amang di na patar
Holan na manabunihon arsak ni rohami
Unang ho inang patungkihu
Unang ho amang pamarsakhu
Mamingkiri sahit ni da tulang i
Ima tulang i na pinaribotmi
Naung leleng na sai dibagas parsahitonna i
Naung dibahen ho do dainang
Nasa tolap ni gogom dainangku
Naung dibahen ho do da amang
Mangubati sahit ni da tulang i
Alai dang dope tarbaen da inang
Tarsongon na di rohami
Lan ditahi jolma pe amang
Alai sangkapNa do na saut
311.Silaosi poda
Dina laho borhat ho amang na tu Jakarta i na marsingkola i
Husindorhon do sude amang
Tadingtading ni amangmi na laho borhat i
Huungkilhon do otondingku gunop tu gambo i na di balian i
Hutaonhon do ale amang
Mangugut sira dongan ni lasiak sirambu i
Hape dang namarsingkola ho na di Jakarta i
Gabe didongani ho ma angka silaosi poda i segani pingkiranmi
Marisuang ma i sude na huulai
Maradu so singkola anggim dohot ibotomi suda ni gogongki
Boasa songoni amang pambahenanmu tondingku
So diberengho au naung marsingkor on
Tung pe songon i amang ingot ma au inangmon
Sarihon ma angka anggi dohot ibotomi
Ho nama nian ale amang na huparbaga i lao pangaluanki
Tung ho nama nian o tondingku
Pangunsandean ni anggim dohot ibotomi
(Sindor=gadai)
312.Husolsoli
Ho do na manuan holong tu bagasan rohangki
Manggadis situak ni loba di bibirmi
Dung luhutna hupasahat holongki tahe tu ho
Na tonggi gabe tu halak lobana i sorop tu au
Na tonggi gabe tu halak napaet i tading di au
Nang godang pe alualu na sahat tu pingollhi
Pos do rohangki tongotng tu hatami
Dung pe tarbereng matangku marsihaolan ho ito
Na tonggi nunga tu halak lobana i sorop tu au
Na tonggi nunga tu halak na paet i tading di au
Husolsoli ma ito partinandaanki tu ho
Tarunduk hata au tu ho hurimpu do rupa tu roha
Ilu ni dainangki marsapata tu ho ma i
Tumatangis di na buni tarhirim dipangalahomi
313.Bunga na malos
Na bagas do ito aek ni tao Toba
Na bagas do ito lombang si Serasera
Alai jolma manongnong na boi dope langean
Manang jolma magulan na boi dope luluan
Boha ma lungunhon bagas dang tarsuhatan
Songon langit tinuju dang na tarhaujungan
Dung ditongoshon ho ma surat parsirangan
Surat parsirangan na mardongan undangan
Dang tarbahen au ito mandulu ho tu pestami
Jalo ma ito na hutongos i songon tumpakhi
Bunga naung malos i songon ganti ni diringki
Ho do da ito boi lupa tu au
Anggo au dang na boi lupa tu ho
Martapian pe au ito bohim do haberengan
Mangan pe au ito bohim do sai targombar
Hundul maranganangan ho do songgop di pingkiran
314.Holong na tarhirim
Nunga tung leleng hita na mardongan
Nunga tung godang tabaen pasadahon roha
Lao tu dolok tu toruan hita soada na hurang
Tung ima ulina huhaol ho ito
Sai marulakloni husungkun do ho
Boha ujungna pargaulanta i
Soada alusmu tu au paposhon rohangku
Na lao sitagamon dipargaulan i
Sipata do lomos rohangki tu ho hasian
Martaon ma hita naung mardongan
Soada hatam holong rohami
Jotjot mangapian rohangki mida na marpadan
Unang ma dibahen ho holongki tarhirim ito
Hatahon ito hatahon ito
Molo na holong do rohami hatahon ito
315.Tabo ni na martulang
Tudos ma i songon bintang di langit
Pinompar ni da ompung i
Torop maribur anak dohot boru
Da ompung na marsangap i
Sude angka da tulang i sisada
Roha rap dohot paniaran i
Tung burju sude burju do i marbere
Songoni dohot nantulang i
Tung na tabo ma tutu da na martulang
Molo marsianjuanjuan
Ai lobi songon damang parsinuan
Hamu angka da tulang i
Marsomba hami on sampulu jarijari
Unduk nang simajujung on
Tu hamu tulang molo adong na sala
Ajari hami beremon
Dangka do dupang jala amak do nang rere
Ama do tulang jala anak do nang bere
Ama do hamu di hami beremon tulang na uli lagu
Manumpak ma tondimi hamu da tulang i
Tu sasudena hami angka beremon
Asa tarpasupasu dapotan ngolungolu
Ganjang ma umurmu tulang na uli lagu
316.Medan Delitua
Di Medan hita singkola marmeammeam tu Delitua
Di ari Minggu i libur singkola i
Tu si do hita lao rap dohot dongan i
Disi ma mula ni holong i marpadan au dohot ho
Godang do angka kenangan na gabe sihasiholan
Na rap margitar i di atas batu i
Rap taendehon ma dinamarsirang i
Longang sudena dongan i marnida marabur ilungki
Alai sudena i kenangan nama i
Dung tammat hita hasian so na pajumpang be
Sai tong dope ito ingot di rohangki
Denggan ni pargaulanta i dang lupa au disi
Di Medan hita singkola marmeammeam tu Delitua
317.Unang jaishon
Sabar ma ho da amang na lao patureturehon au
Nunga turpuk sijaloon i taononku na hansit
Unang mandele amang sai unang jaishon amangmon
Dang na hutuntun matua au na di parsahiton i
Nunga sisulangan mangan anggo amangmon hasian
Sipainuminumon au siparidiridion i
Uju ngolungkon ma nian tupa ma bahen na denggan
Marisuang do i molo dung mate au marembasembas ho
Mambaen boan horbo ho hape jais dingolungkon
Pajongjong tambak pe lao pasangaphon au lao patimbohon au marisuang do i molo jais dingolungkon
318.Boasa gabusanmu
Hutaon do tahe marsingkor tondingku
Mangallangi gulamo na tinutu i
Anggiat tung bolas ho sahat mamboan goarhi amang
Asa adong tahe daon ni lojangki humongkop ho
Hurimpu do tahe diingot ho sude amang
Da lojangki lao paborhathon ho
Holiholingku mapukpuk hasian na lagu
Hurimpu do burjum namarsingkola i ho tondingku
Boasa ma tung songoni ho tondingku
Nunga tung lupa ho hape di podangki
Maredangedang do diula ho o tondingku
Rap marjambulan na ganjang ho amongoi
Boasa ma tung gabusanmu au amang
Sarihon ma tung bereng au o tondingku
Nunga suman tu dolok namasursur au amang
Dagingku nunga maheu humonghop ho
Sangkibung do tahe tampuk ni pusupusungki
Mandele au marningot pangalahomi
Sarihon ma au da amang hasian na lagu
Unang manolsol ho molo mate marsak au o tondingku
319.Holong
Holan ho do na di roha sipanganju ateate
Haholonganku ho saleleng ni ngolungki ito
Hasian pasabarma unang sai holsoan
Unang ganggu roham na lagu
Holan ho silas ni roha sipalambok pusupusu
Sai dongananku ho saleleng ni ngolumi ito
Hasian pasabarma disitaonon i
Di hahuranganki na lagu
Marpanganju ho di holongki pajonok tu lambungki
Ai so adong na boi mangganti ho
Manang magargar dolok i au dang na muba
Apus ma iluilumi haholongan
Leleng ma ho hasian mandongani au
320.Bulan pardomuan
Unang unang ho pola sai marsak
Molo tung borhat molo tung borhat ma au molo lao
Tibu tibu do au mulak
Tibu mulak tibu mulak do au sian na dao
Aha aha ma siingotonmu
Molo tung borhat molo tung borhat ma au molo lao
Dia dia ma siingotonmu
Molo tung leleng molo tung leleng au di luat na dao
Bereng ma i dompak ginjang molo masihol ho di au
Bulan i bulan i do disi pardomuan
Di simalolong di simalolongmi rap dohot au
Tu bulan i ma paboa lungun ni rohami tu au
Bulan i tubulan i tu bulan i tu bulan i ma ho martona
Patolhashonna patolhashonna do sahat tu au
ULTOP ULTOP 