301.Uduti bogashi
Unang sai tangis ho hasosombopon ho
Inang pangintubu inang na uli lagu
Ampehon tanganmi tu simajujungki
Mamasumasu au di parjalanganki
Ai so tartaon be siubeon na male
Ai tung so sae be i anggo gogo ni hauma i
Molo masihol ho uduti bogas hi
Tibu do au ro mandulo ho tu si
302.Di dolok panatapan
Molo hatam tu au marsiholsihol do mulak tu huta
Pos rohangki pos rohangki hupaborhat do ho
Hape tarboto ma baritami tu au naung mangoli ho disi
Pardonganonta I holong ni rohangki nunga disegai ho
Lao ma au tu dolok panatapan i tu dolok parmeaman i
Laos disi ma hupapuas ito hupatulus na di rohangki
Alai hutangianghon do ho asa gabe jala horas
303.Ulos hela
Rap ma ho da boruku tu hatuaonmi
Burjuburju ma ho inang tu siadopanmi
Malo ma ho da boruku laho mambuat
Manubut roha ni simatuami
Tu ho amang helaku na burju dohot di ho boru
Jalo ma ulos hela on sitorop rambu on
Pangidoanku do nian tu Tuhan i
Ai Tuhanta do silehon pasupasu
Sahata saoloan ma hamu da boruku
Di na mangula siulaonmu hasianku
Rampak tu dolok rap tu toruan sada ma hamu
304.Hasian unang be ho sai hohom
Hasian roha sai sungkunsungkun boasa sai hohom
Hasian soadong hubaen na sala mambaen hansit roham
Hasian songon gaor ni aek galumbang
Do anggo na di atas tano on
Hasian sipata gaor pingkiran dang sinise ho nang di lambung
Nang sipata marsaringar soarangku mandok hatangki tu ho
Naung i do hasian anggo bangkoku dang na muruk au tu ho
Engkelmi nang lagumi sai tong do i longkot di roha
Nang guling mataniari salpu nang taon i
Anggo holongki tu ho tung so muba tung so mose
Hasian hasian unang be ho sai hohom
305.Baringin sabatonga
Baringin sabatonga da tolu ranting sakambona
Sanga ise na matobang na ingkon do marhasohotan
Damuba ma SIpirok sada bagas tolu bungkulan
Mata pe so na tarsinok molo niingot parungkilan
Jambatan ni si pinoli muara I muarambai
Janjinta na sa doli molo piningkir dang habishabis ee
Timbo dolok Martimbang toruna I jalan Siboga
Nang so marsipangkulingan asal ma masipanotnotan
Aiolehi ai ai yo lehi ai yo lehi…..
Sai horas ma sai horas
Sai horas ma sai horas
Sai horas ma sai horas
Horas
306.Dago inang sarge
Dago inang sarge dago inang sarge dago inang sarge
Da songoni do ho hape
Dago inang sarge dago inang sarge dago inang sarge
Da songoni do ho hape
Tuginjang ninna porda da tu toruan pambarbaran
Tuginjang ninna roha patutoruhon do sibaran
Tudia ma luluan bona ni sotul da bahen soban
Tudia ma luluan boru Sitompul siadopan
Dago inang sarge dago inang sarge dago inang sarge
Da songoni do ho hape
Dago inang sarge dago inang sarge dago inang sarge
Da songoni do ho hape
Habang pidong sitigo paihutihut aek sabulan
Sai huhut ma tapangido sai tibu dilehon Tuhan
Sahat sahat ni solu sai sahat ma da tu bontean
Leleng hita mangolu sai sahat ma tu panggabean
Dago inang sarge dago inang sarge dago inang sarge
Da songoni do ho hape
Dago inang sarge dago inang sarge dago inang sarge
Da songoni do ho hape
307.Uju mangolu
Uju mangolu dainang pangintubu
Sonang do ngolungku ias paheanki ias podomanki
Mate ma dainang mangoli ma damang
Maup ma hami sude hami anakhonmon hami anakhonmon
O inang pangintubu apusi jolo ilungkon
Ai nunga mangoli be damang
Urupi au mulajadinabolon
Di sogot ni ari lao au tu udeanmi
Huhaol ma kuburanmi
Marabur ilungki marabur ilungki
Tona ni dainang uju di ngoluna
Sai ingot ma sude amang anggi ibotomi anggi ibotomi
308.Dijou do au mulak
Sian na dao hubege do sada ende
Tarsongon na mangandungandung inang
Mangandungi au parjalang i
Bornginna i tangis tarlungunlungun au da inang
Dijou au mulak inang tu rura Silindung
Disi do paimahon inang na lambok malilung
Mansai hansit jala ngotngot
Mansai porsuk jala dangol do andung i begeon inang
Dirusuhi dibolai ateate di bagasan hilalaon amang da inang
Na lao ma au mulak inang tu rura Silindung
Asa gira huida inang da na lambok malilung
Hundul au inang pualpualon
Jongjong au inang hasosonggopon
Mata pe inang so ra tarpodom
Binaen ni sidangolon da inang
Dangol i
Dibahen i aut marhabonghabong au
Tarsongon lali habang au da inang
Tongkinon do au lao habang manalpui angka dolok rura inang
Na lao ma au habang inang tu rura Silindung
Asa gira huida inang da na lambok malilung
309.Emmada
Emmada emmada ammada emmada tutu
Ombashon ma Ombashon ma Ombashon ma
Ombashon ma dongan
Pautpaut ni hudali tu pagopago ni tarugi
Natading taulahi na sega ma pinauli
Eme ni si tamba tua da parlinggoman ni si borok
Debata do na martua sude do hita di parorot
Hamu amang na liat na lolo
Marende hami di son sipasonang rohamuna
Emmada emmada ammada emmada tutu
Ombashon ma ombashon ma ombashon ma
Ombashon ma dongan
310.Gabe mekkel nama au
Gabe mekkel nama au di si hapataran i
Tangis tariluilu au di na buni
Soa adong be dapot au pangalualuanki
Tung tudia tudia pe au lao lungun rohangki
Borngin i tangis do au so boi tarpodom matangki
Sugari pe tarpodom au nipi sipangarsak ro tu au
O amang hansitnai pambenan ni bagian lapung i
Tung tudiatudia pe au lao lungun rohangki
Tung tudiatudia pe au lao lungun rohangki
311.Ho nama di au
Ho nama di au ho nama di au ingkon ho ito saut di au
Nang pe tung godang siboruadi i ho do na pasuda rohangki
Denggan ni lagumi na so tarlupahon au
Uli ni rupami sai jotjot tu nipingki
Ho nama di au
Molo dang pajumpang dohjot ho sahali sadari hasian
Sungkun sungkun do rohangki ala ni aha do ito
So boi tarpodom matangki pingkiranki holan tu ho
Ho nama di au
312.Burju
On dope da on dope da hudai manis ni cinta
Namargota nang na niura dang tolap mangalosa
Lobi na butong mangan dibaen tabona
Arian dohot borngin i sai manginona
Sampuludua sampuludua sidoli na hutanda
Sampulusada sampulusada holan mangarsak roha
Sasada ho do na tutu sian sasudena
Raja doli toho ma ho na hupaima
Burju burju anak ni namboru
Bungka ma bungka pintu ni roha
Burju burju hasian na lagu
Unang manjua unang ma muba
Beta rap ma hita manang tudia
Beta rap ma hita paduadua
313.Hasian ro ma ho tu son
Hasian ro ma ho tu son
Asa hupaboa na di rohangkon
Jala hupasahat holongki tu ho
Hasian pajonok ma tu son
Molo ho porsea tiop tangankon
Janji huhatahon golom ma gomos
Bereng ma ito bereng hasian
Holong ni rohangku tu ho
Tangkas ma i ito bege ma hasian
Holongki sai hot do tu ho
Ho do rongkaphi ito tinodo ni rohangki
Tudia pe sai boanonku ho
Pos ma rohami ito anggo holongki tu ho
Tung so muba tung so mose i
314.Ise mandok
Ise mandok tu ho da hasian
Mardua holong au tu ho
Pamolamola do I da hasian
Asa tung sega hubunganta i
Ise mandok patudu ma tu au
Asa patumpal tu ibana au
Unang tangihon hata ni jolma i
Gabe laos sega pingkiranmi
Anggo rohangku holan tu ho do
Dang boi muba dang boi mose
Pos ma roham ito da hasian
Sasada ho ito nampuna au
Ise mandok
315.Jotjot do au tarilu
O inang inang pangintubu
Tung aha ma hangalanki uju di bortian i
Paboa ma tu au unang sai sungkunsungkun di rohangki
Jotjot do au tariluilu molo dung sasada au
Matua dagingki dang marhasohotan
Godang na ro lao manjonohi
Ai ditadinghon do di paralangalangan i
Atik adong do hasolomanmi di tingki di bortian borumon
Dang tarpatupa damang na hinan
Husiphon ma da inangku tu borumon
Ra boi do patupaonku i
Angka pinangidomi inang
Tangkas paboa ma tu borumon
Asa tung jumpang sirongkap ni tondingki
316.Lina
Dung hutanda pargaulan i
Tung mansai godang do donganki
Sai jotjot ma au taringot i
Jala sai tarpaima do
Dung hutanda ho da hasian
Sai tu ho do lao rohangki
Tung godang siboruadi
Ho do na pasuda rohangki
Lina….
Jalo ma tandakon da hasian
Lina…..
Holong ni rohangki tu ho ito
Ting timbo pe angka dolok i
Tung rahis pe manang rura i lao mangambati holongki
Sai anggiat ma da hasian dipadomu Tuhan i
Hita na dua gabe sada
317.Manis di bibir
Sayang sayang sayang
Jotjot do i didokkon ho tu au ito
Darling darling mai darling
I kent stop loping yu nimmu do
Pasuda rohangki
Hani hani hani
Marbungabunga rohangki tu ho ito
Hasian hasian hasian
I kent stop driming of yu nimmu do
Lam ganda holongki
Cinta cinta lebih manis dari madu
RIndu rindu mambaen dang boi tarpodom au
Beta harap cinta darimu sayang
Ojo nang bibir mawon
Bila basuo uda denganmu
Sonang ma rohangki
318.Ito hasian
Ito hasian na di luat na dao
Mulak ma jo ho mulak ma jo ho
Sihol ni roha sai marsigorgor naeng jumpang dohot ho
Naung lupa do ho ho tu diringku
Padan nang janji naung tapudun i so marhaujungan i
Ito hasian nunga didia ho
Hatam do mandok mulak do ho
Sian nandao mandulo au pasombu siholhi
Hape nunga ro kapal Belawan hupaima ho di pelabuhan
Laos so marna ro do ho
Ito hasian mulak ma jolo ho
Di luat na dao dipangarantoanmi
Nga lupa be ho nga lupa be ho tu boru Batak i
Suratmu pe so ro paboa baritam
Hupaima do di haroromi da raphon ilungki
Bagian lapung holong ni roha putus laos songoni
Bagian lapung holong ni roha putus laos songoni
319.Boasa marsandiwara
Na so jadi sirang hasian
Ia so sinirang ni hamatean i ido hatam tu au
Hutiop gomos sude janjimi hasian
Dang sadia leleng hasian
Muba roham tu au gabe mandao ho sian lambungki ito
Hape naung adong donganmu ito asing sian au
Boasa ma marsandiwara ho
Boasa ma dang jujur ho tu au
Pulut do roham manggabusi au hasian
Ai ho do na marjanji da ito
Ai do na mandok holong roham
Sasada ho ai holan ho nimmu tu au
Ho do na marsumpa
Ho do na mangose tinggal hansit na ma di au
Ho do na marsumpa
Ho do na mangose tinggal hansit na ma di au
320.Nahuparsinta
Iale anak hasianku haburjuhon na marsingkola i
Anggiat ala ni boi ho muse marpangkat
Mamimpin di bangso on
Iale anak hasianku sotung sanga suda gogo au
Padao ma amang sian dongandonganmi
Na tarboanboan rohana i
Molo tung hasea pe ho haduan
Dang na lao di au be i
Manang tung mamora pe ho anakhonku
Dang pola mangigil au tu ho
Sae ma di au amang saut na huparsinta i
Las ma rohangki ale amang
Martua ma au huhilala
ULTOP ULTOP 