101.Rura Silindung
Rura Silindung rura na sun denggan i
Lambok malilung na marbaju na disi
Dipungkul opat di ro bot ni borngin i
Disi pe mulak sidoli pangaririt i
Mangkuling sese sese di balian i
Lao paboahon naung bot do ari i
Molo mangkuling sirumadang ari i
Soluk ma ro sirumondang bulan i
102.Holan sajom
Holan satongkin do pajumpang dohot ho
Alai dang boi lupa ho ito sian rohangki
Sai ro di nipingki molo tarpodom au
Huingot ma sude pambaenanmi da na tu au
Holan sajom do au ito pajumpang dohot ho
Alai dang boi lupa ho ito sian rohangki
Holan sajom do au ito pajumpang dohot ho
Alai dang boi lupa ho ito sian rohangki
103.Ai molo muli ho
Ai molo muli ho ito na marbaju
Unang rupana sai dibereng ho
Ai nang pe sai uli ianggo so burju
So i muse na tau pasonang ho
Godang do halak ito sumolsolbagi hasian
Ai so mangolu da ito binaen ni rupa
Manatmanant ma ito tagan so sanga hasian
Hansit nai muse di ho molo dung masa
Ai molo muli ho ito na marbaju
Unang rupana sai dibereng ho
Ai molo muli ho ito na marbaju
Sai pillit ma parende na malo
Ai nang pe so uli ianggo sai burju
Endena do na tau pasonang ho
104.Molo marrokkap
Holongmi ma da ito na husolsoli
Holongmi ma da ito na hutangisi holongmi ma da ito
Hansit diho humansitan do i di au
Di au anak ni naumpogos di huta
Molo rongkaphu ho boru ni namora
Ai boanonku do ho manang tudia
Burjumima na so tarlupahon au
Di burjumi ma muse iluilungku burjumi ma da ito
Molo marrokkap do na pogos tu namora
Da mangalua pe taho dang be i sala
Marsomba ujung hita tu natuatua
Molo tingki na laho manopoti sala
Sopanagamanki tar sar ma hubunganta i
Dalan na padaohon ho asa dao asa dao
Dao Siantar tu Jakarta disi soada na hutanda
Aut na jonok songon Parapat tu Porsea
Dapothononku ho papuas na di roha
Pasombu sihol hita tu siguragura
Ditopi ni sampuran i marjanji hita
Husiphononku beta hita mangalua
Tu panja Parlilitan manang tu Sibolga
Molo so boi ho boanonku mangalua
Tung so mangoli anggo so jolo mamora
105.Maria
Nang pe naung muli ho ito hasian
Nang pe dao ho sian au
Anggo rohangku sai hot do i tu ho
Sahat ro di na lao mate au
Manghirim au di harorom hasian
Manghirim au di janjimi
Nunga martaon au paimaima ho
Surat sambikbik pe so ro
Sai holan na marsak au ito
Sipata sai ro do tu nipingku bohimi
Maria taringot au na salpu i
Maria seganai pingkiranki marningot ho
Maria didia ho…
106.Unang sungkun taringot holong
Unang unang be sungkun au taringot holong
Nunga tung suda holong na di rohangkon
Songon mata mual na mahiang laos sarsar ma i
Unang unang be sai dapothon au ito
Unang sungguli arsak na di rohangkon
Ho do na pasuda holong sian au
Laos sarsar mahiang rohangki
Diingot ho dope hatam tu au
Di tingki rap hita na dua
Tung malos nasa bungabunga
Anggo holongmi dang na lao muba
Hape malos do holongmi
Jumolo sian bungabunga i
107.Songon tommat na malamun
Hamu angka dongan na hinaholongan siandia do hamu ale
Ai anggo ahu na sian jabu ni tulang do
Manghatahatai dohot boruna i
Boru ni tulang na di kota Medan an tung mansai uli rupanai
Bohina i tarsongon tommat na malamun do
Dang boi tarpodom au alani i
Adong muse do na so boi tarhalupahon
Na mambaen sai busisaon ima pamereng na i
Dohot muse do nang landongna dohot parengkelna
Na mambaen angka si doli sai marbadai
Sai marsigulut do partandang lao tusi
Masibaen nabinotona masibaen sitanna i
Adong muse do na marutang
Jala na manggade asal ma rap manghatahatai dohot itoan i
Nang amaama pe dohot targoda holan ala ni rupana i
Jotjot ma marbadai dohot pardijabuna so diingot be gellengna i
Tu hamu sude na angka amaama ingot angka na di jabuan
Sotung laos gabe sega parsaripeonmu
Tamba ma muse balga ni dosami
108.Linda
Dang tardok au be dohot hata holong na solot di roha
Mabiar do au manghatahon i ala ni burjumi
Hupingkiri do ito sapata ni na tarhirim molo so rongkap hita
Songon habaoran ni lungun papuashon na di roha
Paloas ma au patolhashon i marhite endengkon
Unang ma hansit roham molo tung adong ito goarmu di bagasan
Linda denggan ni basami da hasian
Mambaen masihol au tu ho ito
Linda holong ni rohangki da hasian
Alai dang tardok au dang tarpapuas au tu ho hasian
Anggiat ma ito tumibu jumpang ho rongkap ni tondimi
109.Calon Simatua
Dina huida ho ito paduadua
Dohot sidoli na nigandengmi
Mallobok taroktokhi ale ito
Naeng hulojong ho manarik tanganmi
Alai maila au marnida donganmi
Dungkon jonok ma au ito lao patangkashon
Inang laos gabe sala kata au tu ho
Hupanotnoti ma ito da donganmi
Hape naeng calon lao simatuangki
Paintor marlojong au padaohon langkangki
Amang tahe ila ni rohangki
Dang tardok au naeng hutimbung tao i
Tuani ma dang pajumpang bohi au
Sura tarboto i ila ni rohangki
110.Alusi au
Alu… si au aluuuuu… alusi au
Marragamragam do anggo sintasinta di hita manisia
Marasingasing do anggo pangidoan di ganupganup jolma
Hagabeon, hamoraon hasangapon ido dilului na deba
Di na deba asalma tarbarita goarna tahe
Anggo di au tung asing do sintasinta asing pangidoanku
Mansai ambal pe unang pola sai manginsak hamu tahe di ahu
Sasude na nahugoari i ndada i saut di ahu
Sintasinta di ahu tung asing situtu do tahe
Tung holong ni rohami sambaing do na hupaimaima
Tung denggan ni basabasami do na huparsintasinta
Asi ni roham ma ito unang loas au maila
Beha roham dok ma hatam alusi au
Aluuuuuusi au aluuuuuusi au
Aluuuuuusi au aluuu aluuusi au
111.Gabe mabiar au
Uuuu…
Sai tumatangis au tariluilu
Jala jotjotma au songon na lilu
Nga sala au hape diparngoluonkon
Mangula na so suman
Sai hubilangima ariaringku
Nunga godang hape angka dosangku
Las golap ma muse nang pingkiranku
Gabe pulik sasada au
Salpu ma ari salpu ma bulan salpu nang taon
Angka na hansit angka na dangol lam so tartaon
Gabe mabiar au mandalani sidalanan nang pe tung mansai hornop
Sai hupajonok ma tu Tuhan i asa maruba au sian hagolapon
Urupi au Tuhan tangihon au asa denggan ngolungki
112.Dang hita marrokkap
Soada be labana sai sungkunonmu au taringot holong
Nang sian mulana pe diboto ho do holongki holan tu ho do
Unang sai sungguli be sasude angka na salpu patambatamba hinalungun nama i
Bonana do ujung na padan niosemi nga mulak tata
Tung so tarbaen ho ito lao mangubati rohangki naung malala
Tanganki boi tioponmu bohingki boi berengonmu
Anggo holongku tung so boi putihonmu
O ale ito naung leleng hinaholongan
Ai dang tu aha be hita mardongan
Tolu hali ho mangunduk janji tolu hali ho ito sumolsol bagi
Hansit ni rohangki malo di hata hamatean
Hasian ho ito siose padan dang rongkapta sauduran
Horas ma ho gabe ma au las haduan
113.Didia rokkaphi
Aha ma namarsigorgor di roham ale inang pangintubu
Umbaen sai marsak ho umbaen sai tangis ho
Ganup ari on di na buni paboa ma jolo tu au anakhonmon
Pos roham na oloanku do sude tung manang aha didok ho
Unang sai marsak ho unang sai tangis ho
Tung aha do ulaning alana paboa ma jolo tu au anakhonmon
Muli dainang nimmu tu au
Dang na so olo au inang alai didia rongkaphi didia rongkaphi
Nunga tung loja au mangalului i
Dang jumpang au na hot di au
So pambahenan na humurang alai boasa ingkon sirang
O…o…o o….o….o
Molo tung sapata ma sorop
Mambaen bogashi gabe tarborot
Sapata ni ise on ompung O mulajadinabolon paboa ma tu au
Paboa ma tu au didia rongkaphi didia rongkaphi
114.Aha do hansit ni rohami hubaen
Aha do hansit ni rohami hubaen
Paboa ma tu au ito dihahuranganki
Unang be unang sai ingot be sude
Ro ma ho mulak ma ho tu au
Ai holan ho dirohangki
Unang tinggalhon au unang pasombu au
Sasada au lungunlungunan
Ai holan ho do hasian na boi pasonang rohangki
Cintaki holan tu ho ito hasian nalagu
Holongki holan tu ho ito hasian na basa
115.Ho
Ho do mandok ito songon panondang ho dingolungki
Ho ho do mandok tu au haholonganmu au saleleng ngolungki
Las ma rohangki las ma rohangki umbege hatami
Ho do mandok ito tung na so muba holongmi
Ho ho do mandok tu au paimaonmu au sian parjalannganki
Pos ma rohangki pos ma rohangki lao manadingkonho
Hape nuaneng buni do ho ito sian matangki
Diose ho diose ho sude padanta i
Hansitnai di au lungunnai di au
Hutagam do paimaonmu au ito
Hansitnai di au lungunnai di au
Hutagam do pajumpang au dohot ho
116.Supir panjang
Bapa… bapa
Nunga ro be motormu, dang lao dope ho bapa?
Alai molo lao ho unang ho leleng mulak da bapa…
Tibu pe ahu mulak boru hasian sian pardalananki
Burjuburju ma ho mandongani inangmi
Mansai ganjang dope sidalananku
Diboto ho do boru diboto ho do boru
Supir ni motor do au amangmon
Borhat ma jolo au boru hasian boru buha bajuku
Sai unang lupa ho lao manangianghon au
Asa tiur sude nasa langkaku
Mansai godang do boru mansai godang do boru
Angka namasa di pardalanan i
Tar hira pituari do au boru mulak sian pardalananki
Borhat ma au sian Medan torus tu Sidempuan
Sahat tu Penyabungan maradi ma au disi
Dung sahat au muse boru hasian tu kota Palembang i
Disi ma au saborngin paulak hosa loja
Lao mangalap gogo tu manogotna i
Borhat ma au muse boru hasian dompak Tanjungkarang i
Dung sahat au disi lao patuathon barang
Hatop pe ahu mulak boru hasianku
Bapa didok jolma i:
Molo angka supir marhalleti do ninna
Ate toho do i bapa?
Pos ma roham di au boru hasian boru buha bajuku
Unang porsea ho na nidok ni jolma i sai huingot do sai huingot
Burju ni inangmon burju ni inangmon na sai sabar paimahon au
Jotjot do ro sibolis boru hasian lao mangganggu rohangki
Dipardalanan nang di paradianan i sai hupadao do i sai hupasiding
Asa togu tondingkon asa togu tondingkon
Ai dang huboto be manghatahon i
Tongtong do sai huingot ho boruku nang dohot dainangmon
Autsura adong hepengta lao martigatiga
Dang oloanku supir boru hasianku
Ai nunga huhilala hasian na mamboan motor i
Direkrek ma tanggurung dibola dohot gonting
Sipata marngiluti sude pamatangki
Borhat jolo au boru hasian tanggal ma hamu dison
Urupi inangmi dongani inangmi
Hatop pe au mulak boru hasianku
Urupi inangmi dongani inangmi
Hatop pe au mulak boru hasianku
Bapa.. bapa molo mulak ho boan diau kue da
Tuhor bajuku da bapa… da bapa..
117.Ingkon hulului
Ingkon hulului manang tudia pe ingkon hulului
Ai holan ho do na sai manggohi rohangkon
Ingkon jumpang au manang andigan pe ingkon jumpang au
Dang sonang au ito saleleng so pajumpang dohot ho
Tung dao pe dalan si dalananki
Dang mulak au saleleng so pajumpang dohot ho
Tung hansit manang parir sitaononki
Sasude hataon ma i holan humonghop ho
118.Lali na habang
Unang solsoli lali na habang malua sian tangan
Loas ma lao loas ma lao loas ma lao
Molo so hatiopan
Unang solsoli dongan marpadan manimbil sian janji
Loas ma lao loas ma lao loas ma lao tumuntun lomona
Tung timbo da ito lali habang mangareap
Luluanna do ito luluanna do hameatanna
Tung marsirang pe ito angka na maraleale
Dang tudia hasian dang tudia molo dung rongkap ni tondi
Dang tudia dang tudia dang tudia molo dung rongkap ni tondi
119.Unang gait ito
Unang gait ito dibahen ho tu au
Sotung tarpassing holongki anon tu ho
Pingkiri ma jo ito pingkiri ma jo ito
Sotung marsapata annon holongki tu ho
Hatam do na mandok holong roham tu au
Hape dibahen ho na so boi tarjalo au
Sotung gabe lupa ho di janjimna na tu au
Unang laos lupa ho dihata naung niundukmi
Unang dibahen ho tu au holan holong satongkin i
Unang dibahen ho tu au holan holong satongkin i ito
Jaga ma ho sapata ni holongki ito
Sotung tarambat rongkapmi molo sai digabusi ho
Sotung tarambat rongkapmi molo sai digabusi ho au ito
Ingot ma ho ito janjinta naung tapudun uju i
Ingot ma ho ito janjinta naung tapudun uju i
120.Aha do salangku
Ai aha do hubaen na sala umbaen sai muruk ho ito
Ai tung paboa ma tu au asa huboto hasian aha salangku
Dia na hurang pambahenanku haholongan
Hatop paboa hasian nunga sai tarpaima au
Laos sotung i mambahen mara gabe tinggalhononmu au
Ingkon denggan do masisungkunan molo tung sala masianjuan
Pos ma roham ito haholongan
Holong ni rohangki holan tu ho do i
Dang boi tarpodom au so boi nok mataku
Paboa aha do salaku na hurang di pambahenanku
Unang sai muruk be ho dahasian