101.Asom na di dolok
Asom na di dolok i dengke na di tao i
Mardomu do muse ito mardomu di susuban tano
Asing daina i tonggi jala tabo
Alai tung boasa ma hita da hasian
Na lao patua hata ma laos gabe tata dibaen ho ito
Boasa songoni boasa hasian
Sai huingot dope hata naung niundukmi
Hita nadua do na umboto i sude
Alai tung boasa ma gabe tadingkonnonmu au
Asa tung rimangi ma dibagas rohami
Sotung sumolsol ho muse sumolsol di pudi ni ari
Boasa songoni boasa hasian
102.Aut na huboto
Lima bulan hita naung martunangan
Di jolo ni damang nang dohot dainang
Laos disi do hupasahat tintin marmata berlian
Songon tanda lao pahothon parjanjian
Dohot do dongan naposo umbotosa
Saksi di padanta naung tapudun i
Laos disi do tasumpahon na so jadi hita sirang
Paima dapot ari pamasumasuon
Hape di na so panagaman
Mamungka holong ho di na so pamotoan
Di jolo hatami manis begeon
Dipudingku ho ito mardua holong
Aut na huboto ito ho naung mardongan
Dang oloanku ito da martunangan
Ito kejamnai da pambaenanmi
103.Baju nabirong
Sai tumatangis ho di abinganki lao patolhashon na solot di rohami
Ingkon marsirang do hita na dua na marsihaholongan
Sai tarhatotong au ito da hasian umbege i sude na hatami
Ho mandok muli ho mandok muli tu na so lomo mi
Di pulo Batam na parpudi hutuhor baju parsirangan i
Laos di patolhas ho tu au na solot di rohami
Hotel Mandarin na gabe saksi di pakke ho ma baju na birong i
Mengkel supping ho mamereng au laos hugalmit ma ito da hurummi
Ndada sitodo turpuk siahut lomo ni roha
Ima siingotonmu hata parpudi sian au
104.Boan ma au
Boan sai boan togihon au ito rap hita lao tu na dao
Damang nang dainang hutinggalhon ito boan ma au
Unang sai unang tinggalhon au ito
Rap hita lao tu nadao
Ingkon dilambungmu do au hasian boan ma au
Torop pe bintang di langit sigara ni api sada do
Torop pe siboru na uli
Tinodo ni rohangku holan ho do ito
Unang sai unang tinggalhon au
Ito rap hita lao tu nadao
Tung mansai hansit do na marsirang hasian
Boan ma au
105.Burju ma ho marsimatua
Tinggalhononmu ma boru hami natuatuamon
Ai nunga ro be rongkapmi natinodo ni rohami
Borhat ma ho tiur ma langkami
Manang didia marhuta ho muse
Ditangiangta ma boru hita mardomu hasian
Ihuthononmu nama i helangku siadopanmi
Horas ma ho uli ma nipimi
Digomgom tondingki ditumpak Tuhan i
Tubu ma laklak da inang tubu singkoru
Tubuan anak ho inang tubuan boru
Asa marluga ma hamu di sada solu
Mangalului na ringkot dalan ni ngolu
Sai hot ma ho di hatuaonmi
Tadingkon haposoon tua pangalahomu
Malomalo ma ho boru marsiadopan
Marsianjuan ma hamu marsada roha
Burjuburju ho boruku marsimatua
Asa tanda ma ho inang boru ni raja
106.Agustus parsirangan
Ro do au sian luat na dao lao mandapothon ho
Ala huboto ari ulang tahunmi tanggal sada di bulan Agustus i paboa na holong rohangki tu ho
Dung sahat au ito da hasian di jolo jabumi
Tarsonggot au hubereng ma namasa i
Rampak hundul ho dohot sidoli i
Namandongani ho ulang tahun i
Naeng mandele au ito dung hubereng ho ito
Rap mengkel jala rap marsigoitan
Paula so diberengho paula so diboto ho
Hansit ni rohangki dibahen ho
Aut so salad a ito lao tu paningkotan i
Naingkon timbungonku lombang i
Asa sombu roham marnida au na tininggalhonmon
107.Ala ni parmituonki
Sai anju ma au da inang ni si butethu
Unang ho marsak ala ni parmituonki
Ai aha ma sidohononku hasian
Ai kamput i napasonanghon rohangki
Unang mandele ho dainang ni dakdanakku
Unang sai marsak ho ala ni parmituonki
Ai aha ma sidohononku hasian
Ai kamput i napasonanghon rohangki
Sai anju ma au ale inang ni si uncokku
Unang ho marsak ala ni parmituonki
108.Di balian i
Di balian i na di topi ni huta i
Disi hita na dua rap mangula na uju i
Nang so rongkap hita simpan do i di rohangki
Ho do na parjolo mian di roha mian di roha hasian
Sihol do rohangki pajumpang dohot ho
Nga sonang rohangki holan huida bohimi
Ho ito, ho ito na burju
Ho ito, ho ito na burju
109.Hutongos surathu tu ho
Hutongos surathu tu ho disi hutonahon do ho
Porlu situtu ingkon ro porlu situtu ingkon ro ho ito
Isi ni surathu tu ho disi hupaboa tu ho
Molo tung so boi ho ro suratmu ma baen
Laos paboa baritam
Kabar angin na hubege ito
Adong na can dapot ho di na dao
Uli situtu gabe hambar roham
Tata roham tu au da ito anak ni na pogos on
Molo na tutu do ito adong dopot ho di na dao
Tangkas ma paboa ito asa borhat au
Mangalua tu na dao
110.Anita
Sungkun ma ito tu natuatua mi
Ala ni aha do hita gabe mardongan
Sungkun ma ito tu natuatua mi ala ni aha do hita gabe marpadan
Natorasmi na manjujui mula ni pargaulanta i
Natorasmi na mangorai asa gotap padanta i
Tung so huboto do ito ala i aha hasian
Ingkon gotap ma tali na tapudun i
Sungkun ma ito tu natuatua mi ala ni aha do hita martunangan
Sungkun ma ito tu natuatua mi
Ala ni aha do hita gabe maesirang
Molo tung au do ito sai solsolanmu hasian
Patubu lungun nama i patamba sidangolon ki
Ai so adong huhilala na sala na hubaen tu ho
Natorasmi do da ito na mangambati
Natorasmi do hasian na mangorai
Unang solsoli au ale ito nauli lagu
Unang salahon au ale ito nauli basa
Marsirang hita nadua soada sala dihita hasian
Anita…hasian hansit nai di au anita na lagu dangol nai di au
Ndang au hape na lao saut di ho ito
Lului ma ito panggantiki
111.Holan ongkosmu do amang
Unang sai tangis ho anak hasianku
Ala sotulus amang singkolami
Unang lungun roham amang da rajangku
Sotung tarhirim ho diparjalanganmi
Holan ongkosmu do amang na tuk sibahenonki i dope tolap ni gogongki
Tangkas do diboto ho amang hansit ni parngoluon i soada na lao sibahenonki
Tangiangki ma da amang namandongani ho da tondingku
Asa tung hipas ho amang horas ho din a dao
Anggiat ma dapotmu amang sangkap ni rohami
112.Ise do ho tahe
Molo sai huingot do ito uli ni rupam da hasian tung tudos ma ho ito idaon tu bunga na uli
Tung mansai uli do rupami tung mansai lambok do hatami
Ise pe ito marnida ho ingkon tarpangan roha
Hape sasudena i ito tung soada be da hasian
Dungkon borhat ho tu na dao lao tu bariba tao
Nunga lupa ho didirimi ala ni kota Jakarta i
Tung marhata Batak pe ito ai nunga lupa ho
Hirim do rohangki na ingkon ho saut di au
Dung mulak ho ito sian huta na dao i
Hape asing do alusmi lao mangalusi au
Siapa sih namanya aku udah lupa deh sama kamu
Soalnya kita udah lama di Jakarta sih, siapa sih namanya?
Songgot ma rohangki umbege hatami
Sai manginongi ma dibagas rohangki
Ai nunga lupa ho di janjimi ito
113.Inang
Inang…. boasa ma tangishononmu sude sitaononki
Inang….. boasa ma sai solsolanmu sude
Halungunanki nang arsak ni rohangki
Arian nang bodari ale inang ilum sai maraburan
Sibaran lapalapa ale inang unang be sai solsoli
Inang sai tangianghon au inang da anakmu na dangol on
Inang apusi ma ilum inang sude hutaon do i pasonang ma roham
Inang……
114.Ndang ala ni parsirangan
Ndang ala ni parsirangan i umbaen sai tumatangis au
Ai boasa ma ingkon pajumpang ido na sai husolsoli
Soadong hubaen ito na sala salelelng hita mardongan
Hape dung bot ari hasian dung martopi parbogasonki
Ro ma ho lao manjonohi au asa mulak au tu ho
Manang na mahiang laut i dang na olo au disi
Nunga tarlambat ito salamat tinggal ma di ho
Sapala naung hutaon ito na hansit na binahenmi tu au
Unang salahon au ito di sasude namasa i
115.Mandar ni dainang
Aut sugari holan au na tarhirim dibahen ho
Dang pola songonon godang ni iluilungki
Dang pola songonon hansit ni si taononki
Dipaninggalhon mon nian ito
Dohot do dainang i na sai marsak hasian
Marnida goarmi manjaha gokkonmi ho nanaeng tarpasupasu
Au na boi ma manghatai mandar na binoanmi
Pajojoronna do hata na niundukmi
Di tingki na marpadan di jolo ni damang i
Naingkon saut ma ho parumaenna
Mandar ni dainang i mandar tanda mata i
Denggan do hasian denggan dijalo ho songon mandar parpadanan
Pinahan lobu dohot boras nang sinamot pe ito
Nunga rade sude dibaen dainang i
Manomunomu harorom na lao parumaenna i
Asa tanda ma ho ito boru ni raja
Asa sangap ma ho tu dongan huta i
Hape lao do ho ditinggalhonho do au hasian
Hasian gabe tarhirim au dohot dainang i
Gabe tarhirim au dohot dainang i
116.Reni
Pukul sia borngin i ito ro do au lao mandapothon ho
Hulangkahon langkaki
Nang pe udan tingki i na suruhonku ito
Asal ma jumpang dohot ho asal ma jumpang dohot ho
Sai sungkunsungkun ma rohangki
Dang disi ho jumpang au ito
Aha do da salaki
Umbaen na so olo ho pajumpang dohot au
Boasa ho ito mandao mandao ho sian lambungki
Reni… ai aha do da hasian
Na sala na hubaen tu ho ito
Reni… paboa ma da hasian
Umbaen na muba rohami tu au
Reni… molo naeng lao ma ho ito
Lao maninggalhon au da hasian
Dokkon ma hatam
Sangkababa pe molo tung ingkon sirang
Reni…..
117.Lobi sampulu taon
Lobi sampulu taon da amang
Dung borhat ho amang tu parjalanganmi
Surat mu pe so ro paboa baritam
Marulak sai husungkun da amang
Angka parjalang i dongan sahuta i
Soada umbotosa didia ho amang
Sai tumatangis au amang manaon sitaononki
Molo naung mate ho amang paboa ma di nipingki
Asa saep ma i sian rohangkon
Unang tarpaimaima au di harorom
Ompung ho mulajadinabolon
Patudu ma tu au dalan na tiur i
Unang targogot au di sitaononki
118.Rap hita paunehon
Sada dua tolu hata mamilangi
Marende hami di son dang na manginsahi
Rap hita marnida hamajuon ni jaman on
Unang paula so ni ida hape tarpaida mata
Unang berpangku tangan songon hata ni na bisuk
Rap hita paunehon hahurangan ni halak hita
Ingkon ingoton poda ni sijolojolo tubu
Asa dapot tua jumpang na jinalahan
Amaama inaina namarbaju dolidoli nunga tupa angka naung sega ala ni jaman on
Amaama inaina namarbaju dolidoli nunga tupa angka naung sega ala ni jaman on
Sega sega sega sega sega sega sursar
Sega sega sega sega sega sega sursar
Sega sega sega sega sega sega sursar molo taida inang namasa on
119.Situmorang
Adong sada parende parbonggal jala parbarita
Malo marruderude malo muse do i mangarang
Si togol markaroncong ai malo muse do ibana
Ise ma i tahe ima laenta Situmorang
Situmorang Situmorang Situmorang ala situala rude
Situmorang Situmorang Situmorang ala situala rude parruderude i tahe
Alasitu ala rude alasitu ala rude alasitu ala rude
ho inong among eee
Alasitu ala rude alasitu ala rude alasitu ala rude
ho inong among eee
Marningot i tahe haholonganmu ma ibana
Ai molo ibana marende parjuji talu pasti ingkon monang
120.Songon lem ni sipatu
Najolo sai huririt do ho
Roham do na manjua hasian
Ala na susa au jala na pogos baoadi
Tung ganda do ginjang ni rohami tingki ro au tu ho
Saonari dung karejo au ito
Sai ro ma ho naeng mangenggerengger au
Antar manis ma i dibahen ho nang parengkelmu
Sai songon lem ni sipatu ma ho longkot di lambungki
Nunga tarlambat ito harorom boan ma rohami
Torushon ma ginjang ni rohami da hasian
Dang marlapatan be i hasian ai tung pe holong roham
Unang dapothon be au hasian lupahon ma au
��FobP� �$� size:14.0pt;font-family:”Comic Sans MS”‘>
Aha do alana da ito dia do bonsirna hasian
Tung tadinghononmu au ito sasada au manaon lungun
Sasada au dibonom arsak sasada au songon naung mate
Sasada au dung lao ho
120.Andung ni anak buha baju
Inong…
Sambor ni nipingki inong dipaninggalhon mi inong
Di au inong anak buha bajumon
Surat ni damang i do ro tu au inong napaboahon naung pasang do sahitmi
Marpuripuri mago ma au dainongku anggiat sanga berengonku bohimi
Inong…
Dung sahat au da inongku tu harbangan ni huta i
Mangangguk bobar ma au inong marnida i
Hubereng ma angka anggi ibotoki sai tumatangis mangadopi bangkemi
Dongan sahuta nang dohot sisolhot i tariluilu mangihuthon bangkemi
Inong…. Boasa so martona ho inong
Tu au anak buha bajumon simago on da lapalapa on
Turiturian nama di au da inongku di au on anak simago i
Mangunjal ma i da damang parsinuan i marsimalolongkon rindang ni siubeonmi
bagus,dan harap ditambah terus koleksi lirik lagu bataknya,trims,lae.
Terima kasih telah berkunjung
jika mungkin,tolong juga dibuatkan link untuk mendownload mp 3 semua lagu batak yang liriknya terpampang di halaman ini,terutama lagu2 batak jadul yg telah melegenda hingga kini,trims,lae.
Untuk menjaga hak paten maka copy MP3 tidak disediakan di blog ini
Terima kasih.