Lirik lagu Batak 221-240

201.Aha do Alana

Sirang nimmu sai sirang nimmu tu au

Putus nimmu sai putus nimmu tu au

Aha do alana ito umbaen na sai mangido sirang ho

Aha do alana ito umbaen na sai mangido putus ho

Molo adong do na sala hubaen tu ho

Tangkas ma paboa didia salangku tu ho

Asa huboto ito lao paturehon salangki tu ho

Asa huboto ito manganju rohami

Sai husungkun do ho didia na hurang na hubaen

Alai sai sip do ho dang adong alusmu tu au

Molo na i nama ito pangidoan ni roham

Dang pangambati au ito dipangidoanmi

Mandok sirang sian au

Horas ma ho ito horas ma ho

Tinggal ma au ito sasada au

 

 

202.Anak di pambahenan

Boanonnami do hamu ibotongku dibagasan tangiangnami

Dang na lupa hami di na denggan i naung binahenmi

Dang na lupa hami di na denggan i naung binahenmi

Dang diboto ho ito na loja i mamingkiri hami ibotomi

Asa sahat sangkap ni damang i jala taruli di na denggan i

Asa sahat sangkap ni dainang i tu jampalan na lomak i

Hamu do ito sipatudu dalan i

Di hami ibotomi di hami ibotomi

Boru do hamu molo dipartubu i

Anak do hamu dipambahenan i

Ingkon podahonon tu sude gellengnami

Asa diboto mandok mauliate

Tu hamu nang tu Tuhan i

Saurmatua ma hamu rap dohot laengki

Nang songoni sude pomparanmi

Ido hata pasupasu sian sude na hulahulami

Ido hata pasupasu sian sude na hulahulami

 

 

203.Boasa litohanmu holongki

Tanda mata cinta sinuanmu borngin i rodi sadarion hasianku sai tanom di rohangki

Ho o didia hasonangan na sai laon

Na huhilala dang si na uju i be ho

Holong ni rohangku na tu ho saleleng on

Tio jala ias hasianku songon tao Toba i

Hoo boasa litohanmu holongki

Aha salahku aha dosangku tu ho

O hinaholongan paulak hasonangan uju i

O hinaholongan boasa litohanmu holongki

Aha salahku aha dosangku

Sai huanju ho sai lam dao

O…. aha salahku

 

 

204.Ale bulan

Ale bulan bintang na rumiris

Ale ombun na mario

Dibereng ho do au na tangis

Diginjang pe ho diida ho

Boasa ma mansai tois jala jais

Si boru di luat na dao

Diloas ho do au sai tangis

Paima barita las so ro

Ale bulan sai asi ma roham

Urupi au tung denggan ma basam

Sai sungguli ma rohana

Asa mulak tibu tibu ma ro

Bulan bulan bulan ale bulan

 

 

205.Anak sasada

Dibona ni pasogit i di huta ni da ompung i do tano hatubuanki

Huta Parapat na uli na ditopi ni tao i do tano hagodanganki

Anak sasada au tahe tading maetek dipanading ni damang dainang i

Molo huingot i maraburan ilungki

Tung so adong na parosehon manarihon paturehon parngolungoluanki

Ai tung tudia pe so tampail tung tu aha pe sobolas au tahe ditingki i

Ai so martumbur so marhabong nunga laho au jalang tu si hadaoan i

Molo huingot i maraburan ilungki

Da margambanghon na so gambang

Marrimbanghon na so rimbang di si hadaoan i

Na maramahon na so ama marinahon na so ina di tano sileban i

Na mumbang na lonong na maup pe au taononku nama I

Sahat tu ho ma i mulajadinabolon

Hape dung ro ma sada tingki na mamboan parhusoran di bagian lapung i

Dung ro ma i kemerdekaan gabe i di au dalan lao masuk tentara i

Olat ni i ma pasupasu i lam tamba sahat ro di na marhasohotan au

Mauliate ma mulajadi nabolon

I pe hupuji ma goarmu mulajadinabolon saleleng au di tano on

Ala ni denggan ni basam jala tung asi ni roham marnida au na sai laon

Urupi ma au togutogu ma au sahat tu joloan on

Mauliate ma mulajadinabolon

Mauliate ma mulajadinabolon

 

206.Anak tading maetek

Tio pe mual dang tarinum au

Porhot pe hau dang tarjangkit au

Tarsongon sanduduk nihilhil na marsalaon i

Na hansit ma di au ale inang

Gira do au tadingtadingan da nahinan

Na hansit ma di au ale inang

Gira do au tadingtadingan da nahinan

Marumur ma au inong satonga taon

Ditinggalhon damang dainang i

Na hansit jala na bernit hutaon do i

Dipaninggalhonmi di au inong

Di au on anakhonmon na dangol on

Dipaninggalhonmi di au inong

Di au on anakhonmon na dangol on

Dang tarsuhat be sidangolon inong dipaniggalhonmi di au

Dang tarsuhat be sidangolon inong di au anakmu nadangol on

Huhaol ma inong udeanmi hugarut ma inong tanomanmi

Tondit songon batu malonglong i

Hurimpu do boi pajumpang tu damang i

Hape naung sonang do si halonglongan i

Dang tarsuhat be sidangolon inong dipaniggalhonmi di au

Dang tarsuhat be sidangolon inong di au anakmu nadangol on

207.Anak terminal

Marulak do nian ale inang

Mangalului mangalului parkarejoan

Maos do da inang hubaen lamaranki

Hape tung sasude do sude do da inang

Mandok lowongan na so ada

Marabur ilungki ale inang

Paingotingot sude arsak ni roha

Ai nang si boruadi na tinongke ni roha

Lao do mangalua ala bagianki na sai di pengangguran i

O amang andigan pe ulaning

Da asa jumpang najinalahan

O inang manang

Suratsurat ni tangan do na mandok naung bagian

Tung ingkon di terminal on ma da inang

Ujung ni anganangan

Ai so adong jalanghononta da inang

Tu bagian personalia

Paima dapot da inang parkarejoan huhasabarhonnama i

208.Balintang ma pagabe

Balintang ma pagabe tumundalhon sitadoan

Arimu do gabe molo masipaolooloan

Pancapanca di robean panatapan ni pamuro

Molo sada rohanta tiur do nang saluhutna

Unang martampaktampak hundul tundal marsihataan

Ingkon sada rohanta mangulaulaonta

Asa tulus sangkapta manomu ari na naeng ro

Asa tulus sangkapta manomu ari na naeng ro

Marbulung ma tuginjang marurat ma tu toru

Sude angka na denggan ima tapareak

Sahatsahat ni solu sai sahat ma tu bontean

Boi hita gabe molo masipaolooloan

 

 

209.Berliana

Ndang tarbahen au so marsak ito

Ndang tarbahen au so sega hasian

Nang pe diapuli ho au di suratmi ito

Dang tarbahen so malala rohangkon

Rohangki nga disegai ho ito holongki nga tung digotap ho

Lojangki paima ho padan i tung magopo

Gabe halak do ito nampuna ho

Dang tarbahen au ro pestami sonang ma ho

Gokkon mi hujaha do holan pa ro ilu do ho

Adopanku pestami holan pahansithon roha do

Tu angka na torop i ma ito denggan husiphon

Songon na di suratmi mangapuli rohangki

Holan au haholongan holan na so rongkap do

Berliana Berliana hasian dang hurimpu da ito hita marsirang

Tangianghon au ito asa tumibu ho ito boi hulupahon

 

 

210.Ulos saput

Bereng ma inong tangis ni da tulang i

Bereng ma inong pangandung ni nantulang i

Pasahat ulos saput i ulos parsirangan i

Na sian tulang i

Bereng ma inong ilu ni na torop i

Bereng ma inong pangangguk ni da gellengmon

Paadopadop bangkemi na peak di tonga jabu i

Jabu na pinungkami

Di na sorang ho inong na uju i

Humalaput do da tulang i

Lao mamboan ulos parompami

Nang songoni aek ni unte i

Dina marujung ho inong da na burju

Pintor ro do da tulang i

Lao pasahathon ulos saput i ima ulos parsirangan heihei

Diparmondingmon inong jaloonnami ma hape

Ima ulos holong i na sian tulang i

 

 

211.Boasa jatuh cinta

Hatam do na huingot hasian

Janjinta i hutiop do gomos

Alai boasa ma lupahononmu au

Aha na sala hubaen tu ho

Hansit nai ito pambaenanmon

Parir nai hutaon da hasian

Alai boasa ma tinggalhononmu au

Holan ala ni ho gabe mandele au

Boasa ma tahe ingkon hutanda ho

Boasa ma tahe au jatuh cinta

Aut sura na huboto ingkon songonon

Dang na olo au mardongan ho

Aha do na sala na hubaen

Umbaen songoni pulut roham

So dipaboa ho lao manadinghon au

Nunga sude hutaon humonghop ho

 

 

212.Boasa sai murhing

Ai boasa marsak ho hasian

Boasa sai murhing bohim tu au

Tung paboa ma tu au alana

Unang be sai hohom ho tu au

Nang sian na jolo hudok hian do

Anak ni napogos do au da ito

Tung tangkas pingkiri ito hasian

Molo tung ingkon ihuthononmu au

Ho sai unang ma solsoli sude sitaonon i na hansit i

Ho sai unang ma pingkiri sude sitaonon i na dangol i

Pasabar ma roham manaon i

Salpu do i sude na hansit i

 

 

213.Rap hita manaon ito

Ai dang manjua au tu ho hasian

Ai dang na so olo au ito saut di ho

Ho… o.. o.. na pogos do au ito

Naputus singkola jala pengangguran

Manat ma rimangi tung manat pingkiri

Unang ho sumolsol muse ito hasian

Molo ingkon saut ihuthononmu au

Ho.. o.. o… tung so jadi sirang molo tung tongkin pe

Rap hita manaon ito rap hita manaon

Rap marsianjuan hita di angka na hurang

Marsipatangkasan hita di pambahenan

Sotung gabe tubu muse parsalisian

Sotung gabe sega da parsaripeonta

Unang gabe sihataon di tahi deba

Rap hita manaon ito rap hita manaon

 

 

214.Holan ho do

Holan ho do na dibagasan roha

Holan ho do na sai huparsinta

Naingkon saut ma nian nasinangkap ni roha i

Naingkon saut ma nian bogasta i da hasian

Holan ho do na sai huparsinta

Tung torop pe bintang di langit hasian

Holan sada do sigara ni api

Ai tung torop pe na uli ai ho do na di rohangki

Ai tung torop pe na uli ai ho do na di rohangki

Holan ho do na sai huparsinta

Hata naung niundukmu unang be mose hasian

Baen ma i ito buni di ateatemi

Pasabarma roham paima diharorongki

Tibu do au ro lao pasaut sangkapta i

 

 

215.Disi hutanda ho

Disi hutanda ho ale ito

Holan tu ho do rohangku hasian

Arian borngin tu ho lao rohangki

Tung so huboto be manghatahon i

Pamerengmi ma dohot parengkelmi

Ido mambehen tarpangan rohangki

Dohot burjumma na so tarlupahon au

Mansai masihol masihol au tu ho

Ai tung torop pe bintang di langit an

Alai sigara ni api sada do

Mansai godang pe siboru na uli tu ho do rohangki

Ai tung tudia tudia nama au lao

Mangalului siboru songon ho

Naingkon ho do ito saut di au ale ito hasudungan

 

 

216.Bonsir soada

Unang ma unang ma dibahen ho ito

Na so tarpingkiri au ito sai marsidalian ho tu au

Sai unang ma da hasian dibahen ho ito bonsir soada

Na lao pasidinghon au ito

Aha ma aha ma na boi tarbahen au

Molo ingkon parsirangan ma pinangido ni roham tu au

Tangkas ma dok tu au ito unang ma ito marsipalensem

Indang marlaba i tu au

Boasa ma saonari ho sumol ho tu au ito

Dung tangkas diboto ho na susa au

Alai boasa ma dibereng ho holong sian arta

Hansitnai pambaennanmi tu au ito

 

 

217.Maria

Maria huingot do sude janjinta i

Na tapudun cincin borngin i

Nunga be hujalo tanda holong sian ho

Holong na umarga borngin i

Ditaruhon ho do au sahat tu motor i

Sai maraburan ma da ilumi

Tung gomos huhaol ho

Dang tartaon manetek ma da ilungki

Maria ai ho do sirongkap ni tondingki

Na laho maen ni dainang i

Pos roham tibu du mandapothon ho

Tangianghon au di na dao

 

 

218.Asing hatahatam

Asing hatahatam tu au ito

Asing muse hatam tu sadaan

Otik do i goit ni hatami

Alai maniak ateatengki

Sai marhusiphusipi ho muse

Holan pasogosogo rohangki

Alai tarida sian bohimi

Holan tu au do hatam

Ise be da hasian na so hansit rohana i

Sai di pajonok halak ho alai sai dipadao ho

Godang do dongan mekkel da ito ai dongan tangis so adong

Godang do na tarjou hasian ai na tarpillit sada do

 

 

219.Boasa dungkon sahat tu natuatua

Mangholom do nang langit hasian

Dipangkiling ni rohami haholongan

Mardongan anganangan hundul au matutungkian

Manolsoli bagaian ilungku sai maraburan marburan

Soada pambahenan da hasian

Da na humurang na so tupa di roham

Hape ingkon marsirang naung masihaholongan

Borhat marhamamulian ho ito hinaholongan so pamotoan

Ai molo sirang do ujungna ito pargaulanta

Boasa dungkon sahat tu natuatua

Umbulusan ma niulangan ai molo na manjua

Unang tarhirim sasude dibahen ho o..o

Hansit nai ito parir ma au dibahen ho hansit nai

 

 

220.Tinggal anganangan

Nunga tinggal be si doli si doli ma so marhepeng

Nunga tinggal anganangan parbogasonta i ito naung martopi

Digotap ho digotap ho di tongan dalan

Songon udan habahaba pargotap ni hubunganta

Ai so aha ai so dia aut adong hubaen na sala hasian

Adong dope adong dope hatahononmu

Godang ni na marsirang dang songon pambahenanmon

Tung hata sangkababa na so martinggal hata ho

Ala adong doli na jogi jala anak ni paradongan

Gabe tinggalhononmu au

 �$� X� s=MsoNormal align=center style=’margin-top:0in;margin-right:11.7pt; margin-bottom:0in;margin-left:0in;margin-bottom:.0001pt;text-align:center; line-height:normal’>

 

 

 

120.Aha do salangku

Ai aha do hubaen na sala umbaen sai muruk ho ito

Ai tung paboa ma tu au asa huboto hasian aha salangku

Dia na hurang pambahenanku haholongan

Hatop paboa hasian nunga sai tarpaima au

Laos sotung i mambahen mara gabe tinggalhononmu au

Ingkon denggan do masisungkunan molo tung sala masianjuan

Pos ma roham ito haholongan

Holong ni rohangki holan tu ho do i

Dang boi tarpodom au so boi nok mataku

Paboa aha do salaku na hurang di pambahenanku

Unang sai muruk be ho dahasian

 

 

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s