Lirik lagu Batak 121-140

101.Saputangan na marsap ilu

Nunga tung leleng hita naung mardongan

Nunga tung leleng hita naung marpadan

Tung na so jadi marsirang

Rap dina sonang susa rap manaon ido parjanjian

Tung mansai tompu do parguling ni rohami

Gabe lupa ho dipadan naung tabahen i

Tung so huboto mandok ito

Dung ditongos ho surat mi tu au paboa naung muli ho

Dang na tarhatahon au ito arsak ni rohangki

Dungkon hujaha isi ni surat dohot undanganmi

Sipata naeng hutimbung ito lombang na bagas i

Unang huingotingot i na hansit na binahenmi

Dang targabei au be ho tu si doli pinillitmi

Dang boi au ro mandulo ho tu pestami

Dang tarbahen au lao mangadopi gokkonmi

Jalo ma i tinongoshi ito

Saputangan na marsap ilungki ima tumpakki tu ho

 

 

102.Saputangan na marsulam goarmi

Ai ho do na marjanji hasian laos ho do na mangose janjimi

Pulut ni rohami manadingkon au dung lam marurat holongki ito

Hurimpu parhunihan hasian ito hauma di balian i

Hurimpu paruliaan holong ni roham hape hailaan hasian

Sapu tangan na marsulam goarmi nanilehonmu uju i tu au

Nga huambolongkon i nga huambolongkon i

Unang sai huingot ho ito

Nga huambolongkon i nga huambolongkon i

Unang be sai huingot ho ito

Hansitnai ito dangolnai paririnai ito pambaenanmi

Sapataki ito tagam ma i sapata ni si doli hasian

 

 

103. Marrongkap dung matua

Rampak marsoban hita nadua

Tu harangani mulak singkola i

Huhehei ma ho mengkel supping ho tu au

Borhat ma au tu parjalangan i

Ro ho tu au pahantus padan i

Alai dang marrongkap hita tingki i

Hape dung matua marrongkap ma hita

boi pajumpang muse

Aha na buni di rohanta gabe boi ito tapasada

Dainang manodo ho do ito na lao parumaenna i

Dang huoloi dai dainang manuntun lomo au tingki i

Hubilangbilangi sude na salpu i

Manetek ilu ala ni las ni roha

Hape dung botari pajumpang dohot ho

Hape dung matua marrongkap ma hita

Boi pajumpang muse

Aha na buni di rohanta gabe boi ito tapasada

Dainang manodo ho do ito na lao parumaenna i

Dang huoloi dai dainang manuntun lomo au tingki i

 

 

104.Sasada ho do

Sada do mataniari i ito boi do i patiurhon sasude

Ai bulan i pe sada do boi do i manondangi borngin i

Holan ho holan ho do hasian

Sai tu ho sai tu ho do rohangki

Sasada ho do hasian

Na boi manganju rohangkon sasada ho

Manang tudia pe au lau hasian

Jonok do ho dilambungki

Torop pe bintang na di langit da ito

Sigara ni api sada do

Anggiat ma ito

Holong ni rohangki holong ni rohami salelengna

 

 

105.Satahi saoloan

Holan ho do hasian na hot di rohangki

Holan ho do ito pasombu sihol

Sadari so huida ho malala rohangki

Satongkin pe dang rap au dohot ho ganggu pingkiranki

Uli ni rupami suman do tu parangemi

Burjumi ma da ito somartudosan

Parengkelmu ito tung na so tarlupahon au

Sahali pe tung so hea do ho muruk tu au ito

Songon bulan tu bintang tongtong sai marsinondang

Sai rap hita nadua tu dolok tu toruan

Tung so ada do bada tongtong masiantusan

Au dohot ho satahi saoloan
Didia pe andigan pe tung na so jadi sirang

Didia pe andigan pe tung na so jadi sirang

 

 

106.Senen kamis

Molo hurimangi sude angka ari naung hubolus i

Nahansit na bernit nunga hudalani di parkulianki

Niula sadari habis do botari amang dang marsak au disi

Nahurang na lobi angka na sinari hudokma i amang senen kamis

Tu jae dang sangkot tu julu dang sahat amang hansitnai

Huhut do huula asa adong upa di halojaonki

Nang pe so sadia upa na sinari di parkulikulianki

Niula sadari habis do botari hudok mai amang senen kamis

Sipata rohangki maranganangan

Andigan boi au tahe ale amang sonang di ngolungki

Sai hupadao ma arsak ni roha

Nang pe marhosa ganjang au ale amang di parkulianki

Tongtong do hutaonhon nang pe hansit dagingku

Hinsa do au mangula diparkulionki

 

 

107.Lupa pe angka na lupa

Lupa pe angka na lupa lupa sude sian roha

Anggo tung i tung so lupa do i di haposoon si na uju i

Uju di haposoon ta uju denggan hubunganta

Anggo tung i tung solupa do i

Masihol au sai naeng mulak tu si

Molo matua hape daging on

Salpu sude na haposoon i

Bungkuk tanggurung sap uban sude

Nunga matua hape

Nipi nama sungkunonta manang beha di rohanta

Anggo tung i tung solupa do i tu pahompunta siampudan i

 

 

108.Siboru na lobangon

Pajumpang au tahe dohot siboru na uli di jolojolo ni jabuna i huhut marsurisuri pature obukna i ala ni ganjang ni jambulanna i

Sai lam hupanotnoti ma ibana tingki i sian na so pamotoan ni siboru i

Hape dungkon lam hupajonok tu jolona i hubereng ma hape tahe aslina i

Marrara ma bibirna songon na margincu i hape ala ni hua ni napuran i

Gabe ninna rohangku ma muse di tingki i dang parsoalan anggo napuranna i

Husungkun ma muse da marga ni itoan i hape sarupa tu margani ompungki

Hape di na mandok margana i itoan i sai marbissahi hua ni napuranna i

Gabe tarbereng au pamangan ni itoan i hape naung tolu do mago iponna i

Gabe laos tata ma rohangku ala ni iponna i naung lobangon do hape siboru i

 

 

109.Siose padan

Ito naung leleng hinaholongan

Ala ho manompang di jabu ni damang

Dang targarar ho be uang makan

Ala so tuk be nimmu natuatuam

Hamu tu damang i marparjanjian

Saut ma helana molo monang

Ido baen na hita martunangan

Parsingkolaon mi pe dipaujung damang

Manang aha di roham husarihon do

Manang aha didok ho huoloi do

Manjaga sotung marsak maon roham

Na gabe manundati sintasintam

Hape dung tammat ho sian singkolam janjimi diose ho

Marpungu ma sude natuatua

Dohot tondong naeng udur ma tu gareja

Hape di na laho borhat hita

Gabe asing hatam roham pe nunga muda

Ai aha do namasa ito pargaulan

Tompu so panagaman gabe muba roham

Beha ma pangandungku di ho amang

Pangalaho binahenni na naeng helam

Dang be tarhasuhatan hinailam o amang parsinuan

110.Sirang ma hape

Sirang ma hape ito au dohot ho

Borhat ma ho lao tu nadao

Tading ma au sasada au

Jalang tangankon ito tiop ma gomos

Bereng ma iluilungkon

Iluilu parsirangan on

Boasa ma pajumpang

Molo ingkon lao marsirang

Ido na so tar solsoli au

Boasa ma hutanda

Molo ingkon lao marsirang

Ido na so tarsarihon au

Borhat ma ho borhat ma ho

Tading ma au sasada au

 

 

111.Aha ma na tau siingotonku

Aha ma na tau siingotonku sian ho ito dahasian

Arian borngin sai tumatangis au

Lao mamingkiri pangalahom

Ido na mambahen au gabe mandele tu ho ito

Molo songoni nama ujungna

Tumagonan ma hita marsirang

Nang pe didokkon ho holong roham tu au

Ai dang tu aha i da hasian

Anggo holongki ito ai dang be muba

Tu ho ito

Boasa dung saonari gabe muba

Dungkon malala rohangki dibahen ho

Sai hubilangbilangi di rohangku

Tumagonanma dao au sian ho

Dang rongkap ni tondi na ingkon marsirang hita nadua

 

 

112.Somarlaba lojangki

Nunga tung leleng nian dung borhat ho tu parjalanganmi

Tarpaimaima au di angka surat na so marbalos i

Aha alana dia bonsirna diparalangalangan langkami

Sai holan na marsak au paingotingot sude naung salpu i

Gogo ni hauma i da nunga suda pasingkolahon ho

Matua daging bungkuk tanggurung so marlaba be hape lojangki

Boha nama ujung ni i parsingkolaanmi

Bereng ma au da amangmon na puaspais on

Nga tung godang na suda i holan pasarisari ho

Angka anggim nga gabe so sian singkolana i

Suda gogongki amang marsak rohangki amang holan ala ni ho

Suda gogongki amang marsak rohangki amang holan ala ni ho

Dang tardokkon au be sude na solot di rohangkon

Molo tung hasea ho dang na lao di au i amang tondingku

Sai marbinegema Tuhanta i dilehon angka pangomoan i

 

 

113.Ingot ma au

Selamat jalan di ho

Selamat tinggal selamat tinggal di au

Diparhusor ni kapal i,

Manetek ma da ilungki

Marsirang ma hape hita nadua

Ingkon marsirang do namarsihaholongan

Borhat ma ho lao tu na dao

Tading ma au sasada au

Huboto do tutu borat

Roham lao manadinghon au

Huboto do arsak ni rohami

Alai amanta i do na so mangolo i

Tung dipaborhat ho singkola

Dalan mamutus hubunganta

Apusi iluilumi unang sai tangis ho ito

Pos ma roham ai dang na lupa au di ho

Ai tung dao pe au ito jala holip di bariba tao

Ingot ito digomgom tondingki do ho ito

Ingot ito rohangki sai hot do tu ho

Ingot ito sai ingot ma au

114.Tangis di Belawan

Inang pangintubu amang parsinuan

Dipaborhat ho do au inang tu parjalanganki

Ai ditaruhon ho do au tu labuan na di Belawan i

Hujalang do nian da tanganmi da inangku

Huhut hu dada ho inong sian kapal i inang na uli lagu

Sai maraburan ma ilumi ale inang

Inang pangintubu amang parsinuan

Dokdok mansai dokdok do rohangki da inangku

Lao manadinghon ho inong di huta on inang na uli lagu

Ala ni hapogoson do mambaen da inangku

Asa disuru ho inong ahu marjalang tu luat na dao i

Sai martangiang ma ho inang di huta on

Ai so ala gogo hape inang ai so ala roha hape amang

Dang tarbahen songon nanidokmi inang

Inang, inang na uli lagu

Inang mulak nama au amang mulak nama au

Tu dolok pe sotampil au inong

Ai tu toruan pe inong sobolas au ala ni hapogoson i

Sude dongan sahuta i mandao do sian au ai so adong na parosehon anakmon di parjalangan on

Hansitnai parirnai di anakmon

 

 

115.Aek Sibundong

O…. aek Sibundong

Aek Sibundong da na uli

Parhasakmi mansai uli

Tudos hapas Palembang i

Madabu tu sampuran i

O…. aek Sibundong

Aek Sibundong da nauli

Na lao tudia nama ho

Tolong pasahat tonakon

Tu si boru pargaulanki

Ilu maraburan da sian simalolongki

Alai beha roham di au da hasian

Hmmmm da na lagu

Molo masihol ho ito

Laho ma ho tu aek i

Ima aek Sibundong i

Di Doloksanggul na uli

Disi do au

116.Tarlambat do suratmi

Tarlambat do sahat tu au suratmi

Surat na tinongoshonmu manonahon langkangki

Ala naung sai dipaksahon ho tu si poribanmi

Mangalua pe taho da tuntunonmu

Martanggal tolu do dibahen ho suratmu

Hape sahat tu tanganku nunga tanggal 18 da ito

Laos di na sadari i do ho ito tarpasupasu

Aha be ito na boi tarbahen au

Ai gabe tung malala rohangki dung hujaha suratmi ito

Sugari ma marhabonghabong au

Laos tongkin on do au ro

Ro mandapothon ho tu pamasumasuonmi hasianku

Tung na i pe da ito hamateanku

Roroanku ho sian langgatan i

Laos sian jolo ni pandita i do ho ito luahononku

Alai aha ma na boi tarbahen au

Tarlambat do ito suratmi sahat tu tanganki

 

 

117.Tolu hali

Tinggalhon ma au ito lupahon ma au, lupahon ma au

Tolu hali ma ito dibahen ho hansit ni rohangku

Unang be sai ingot ito hubunganta i

Dang tarjalo au ito pambahenanmi na saleleng on

Toluhali ho ito paduadua dibereng matangku

Mambahen rohangku ito gotap sian ho

Hape dung saonari ito sumolsol rohami

Dungkon hupadao ito ho sian rohangki

Roma ho ale ito sumolsolbagi mandapothon au

Tinggalhon ma au ito lupahon ma au

Tinggalhon ma au ito lupahon ma au

 

 

118.Salendang parpadanan

Songoni nama ito ujung ni pargaulanta i

Soada na sala di hita na dua na rap mangose padan i

Hupaulak ma tu ho salendang parpadanan i

Ala na ias do rohanta marsirang denggan ma jalang tangankon

Jalo ma salendangmon ito asa sai dao sude sapatai

Ai dang rongkapta ingkon marbogas

Marsigabean ma denggan

Horas be ma hita on sude sahat rodi na matua muse

Autna gellengta do hasian na boi marrongkap haduan

119.Sasada au

Soadong hubaen tu ho angka na hurang suman

Gotos do rohami bulus do langkami marbunibuni ho lao tu na dao

Molo tung manjua ho naeng marbogas dohot au

Paboa ma ito hatahon ma denggan boasa lao ho sian lambungki

Aha do alana da ito dia do bonsirna hasian

Tung tadinghononmu au ito sasada au manaon lungun

Sasada au dibonom arsak sasada au songon naung mate

Sasada au dung lao ho

120.Andung ni anak buha baju

Inong…

Sambor ni nipingki inong dipaninggalhon mi inong

Di au inong anak buha bajumon

Surat ni damang i do ro tu au inong napaboahon naung pasang do sahitmi

Marpuripuri mago ma au dainongku anggiat sanga berengonku bohimi

Inong…

Dung sahat au da inongku tu harbangan ni huta i

Mangangguk bobar ma au inong marnida i

Hubereng ma angka anggi ibotoki sai tumatangis mangadopi bangkemi

Dongan sahuta nang dohot sisolhot i tariluilu mangihuthon bangkemi

Inong…. Boasa so martona ho inong

Tu au anak buha bajumon simago on da lapalapa on

Turiturian nama di au da inongku di au on anak simago i

Mangunjal ma i da damang parsinuan i marsimalolongkon rindang ni siubeonmi

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s