Lirik lagu Batak 341-360

301.Tarpaima

Ho do ito tinodo ni rohangki

Ho do haholonganki

Godang na marbaju na uli rupa i

Holan ho do na di rohangki

Malungun au tarpaima do au

Di haroromi hasian

Andigan ma nian boi pajumpang dohot ho

Tung masihol do au tu ho

Ale alogo pasahat tonangkon

Tu si boru di luat na dao

O bulan bulan na di ginjang

Sondangi holongnami on

Holongki tu ho dang na muba be ito

Holan ho do na di rohangki

Holan ho do sai di nipingki

 

 

302.Asa denggan ngolum

Unang ho mangapian

Mida angka na mora angka na sangap

Angka na gabe nang na maduma

Burjuhon ma mangula angka siulaonmi asa denggan ngolum

Unang ho sai holsoan

Molo ponjot roham ganggu roham

Ingot tongtong lao martangiang

Anggiat ma sai dipasaut napinarsintami asa denggan ngolum

Molo sai dituktuhi ho sai na bungkaonNa do

Molo dituktuhi ho sai na bungkaon na do

Molo dituktuhi ho sai na bungkaon na do

Molo dituktuhi ho sai na bungkaon na do

Molo dituktuhi ho sai na bungkaon na do di ho

Unang ho mabiar hu mangolu di portibi na mangilas

Hamu ale amang inang hamu ale amang inang

Ganjang dope naeng sidalanan godang dope naeng siulaon

Bereng ma angka pidong na martongatonga langit i

Boi do mangolu ia ho ale boasa sai holsoan

Ula ma ulaonmi asa denggan ngolumi

Ula ma ulaonmi asa denggan ngolumi

 

 

303.Hurimpu gabe jutawan

Andigan do inang sai andigan dapot au na jinalahan

Ai nunga tung leleng au na di parjalangan

So marna tulus angka anganangan na pinarsinta i

Hutatap lobutua hutailihon ma inang da lobu tolong

Hurimpu do inang sai dapotan tua

Hape gabe tarilu simalolong di parjalanganki

Nunga marragam sude na siulaon

Marganti bulan dohot taon au asal ma mangan

Maranganangan au naeng jutawan

Hape balik do dainang sian pangkiriman

Soboi tartongos nanggo masinapuranmi

Huhut manetek ma ilu sian matangki

Inang pangintubu sabar ma ho jala sai tangianghon au

 

 

304.Panolsolion

Molo huingot uju i damang dohot dainang i

Na sai holan na marsak ala ni pambahenanki

Sumolsol bagi au nuaeng na soadong be laba ni

Ai nunga lao ho tu tano silumallan i

Bereng ma au anakmon amaomg

Tangihon anggukanggukhon inong

Manjou mangido sala au tu ho

Manumpak ma sahalami among

Manggomgomma tondimi inong

Sai diramoti Tuhan hami sude pinomparmon

305.Songon bungabunga

Songon bungabunga naung mapultak i naung rara biurna i

Songoni ma rohangki na uju i naung sahata hita ito

Nunga tung sude halak umboto i naung jonok bogasta i

Hu uuu ha aaa

Hape na lao ma ho tumuntun lomomi da hasian

Diose ho padan naung tapudun i

Hansitnai pambaenanmi pulut do roham

Sai horas ho tu tinodo ni rohami

Sapata ni baoadi jalo ma i ito

306.Bollobollonai

Bollobollo nana i godang ni hatahatami

Bollobollo nana i pagodanghu do sitanmi

Ho.. didokhon ho tu au holong roham ito

Sude hatam manis di bibir

Ho… nunga hutanda ho manang na ise ho

Sude hatam dang boi tiopon

Bollobollo nana i godang ni hatahatami

Bollobollo nana i pagodanghu do sitanmi

Antar didok ho naung sarjana ho ito

Jala didok ho da anak ni pejabat ho

Unang ma ito dirimpu ho targoda au

Unang dibaen ho ginjang ni rohami tu au

Bollobollo nana i godang ni hatahatami

Bollobollo nana i pagodanghu do sitanmi

 

 

307.Na lao salpu

Molo adong na mora ingkon adong do i na pogos

Molo adong na sonang ingkon adong do i na loja

Molo adong pegawai ingkon adong do i petani

Songoni do ngolu na di tano on

Hamu dongan na pogos unang sai olo mangapian

Hamu dongan na loja unang sai olo manarita

Ula ma ulaonmu benget ma ho dibagianmu

So boi tarjua turpuk sijaloon i

Portibi na mangilas on dang hita nampunasa on

Portibi na mangilas on parsatongkinan do di son

Namora manang napogos

Nahansit manang nadangol

Nasonang manang naloja

Na laho salpu do sudena i

 

 

308.Namarbaju na tois

Nunga tung sude ito halak mananda ho

Ai na marbaju na tois do ho

Ganup borngin mangadangi do ho

Dililiani halak do ho di dalan i

Dililiani halak do ho di dalan i

Ra tangkas do naung diboto ho ito

Siganjang dila do nuaeng dolidoli

Bosan tinggalhononna do ho

Partambuan ni halak do jolma songon ho

Partambuan ni halak do jolma songon ho

Hape langgus do ho ito poda ni amanta i

Sai ditundalhon ho

Taononmu do muse na ujung ni gabe sisolsolanmunama i

Hatop ma mulak ho tinggalhon dalanmi

Hatop ma mulak ho tinggalhon dalanmi

 

 

309.Tarsillam ronggur

Bulan tiur bintang riris

Namarsinondang sian ginjang i Lao manondangi portibion

Alai di rohangki dang be marguna i

Bolong do i da hasian

Sahat do i hujaha do i surat tinongosmi tu au ito

Marhitehite sian donganmi

Lupahon au ito lupahon au ito nimmu tu au

Ai tung aha do na ro tompu sumorop tu roham da hasian

Tudos ma au ito dibahen ho

Tu hau na tarsillam ronggur i

Mate do i ito nang pe jongjong disi rurus bulungna i

Mate do i ito nang pe jongjong disi rurus bulungna i

 

 

310.Nggak ada lo nggak rame ito

Soadong sabulan dung sahat ho di kota

Ho…o godang ni gayami ito

Gayamu bicara banyak yang berubah

Ho…o tarsonggot au ito

Tompu ma di sada ari tarhatotong au ito

Ho…o murhing ma bohimi tu au

Ala so ro au marnida tu parkoskosanmi

Ho… ro ma sms mi

Nggak ada lo nggak rame ito nimmu tu au

Ima isi n isms mi

Nggak ada lo nggak rame ito ido hatam

Na sai ro tu henponki

 

 

311.Tao Toba na tio

Tao Toba na uli

Tao Toba na uli

Molo hutatap ho sian na dao o Tao Toba na tio

Boi do sonang rohangki

Palambok ateatengki palambok pusupusungki

Palambok pusupusungki palambok pusupusungki

Alai dung hupajonok dompak ho

Rohangku pe lao tu na dao tarsunggul tu ari na ro

Rohangku pe lamu jonok o tao Toba na tio

Palambok pusupusungki palambok pusupusungki

Tu ho ro au paboahon sude na di rohangkon

Dilambungmu maruari rap dohot donganki

Ai nunga tarbarita goarmi tu ujung ni portibi on

O tao Toba na tio sai boan ma nang arsakhon

Na lohot na di rohangkon

 

 

312.Borat do molo jatuh cinta

Hudok hian do tu ho unang sai jonohi au ito

Ai tung borat do anon borat do molo jatuh cinta

Au dohot ho ito nunga rap marhasohotan

Hape didokhon ho sude holong ni rohami tu au

Songon na habang ito pangkilalaanki

Arian borngin ito holan ho di lambungki

Saonari nunga tarlanjur holong na di rohanta i

Sega ma ruma tanggam ito sega ma nang rumatanggaki

Hape au dohot ho gabe sirang do muse

Lao do ho maninggalhon au

Tung lungun do rohangki

Tung hansit do ngolungki

Molo sai huingotingot naung salpu i

 

 

313.Sumpahmi

Sumpahmi do na paposhon rohangki ito da hasian

Alusmi ito na pasonang dohot pingkiranki

Ai tung soada ito na humurang ito

Pambahenanmi tu au na uju i da hasian

Engkelmi nang dohot lambok ni hatam ito pargaulan

Borngin soboi tarpodom matangki ala ni ho

Sangkidop mata ito tung so tarlupahon

Bohimi ito sian simalolongki da hasian

Hape tompu gotap roham tu au ito

Songon parguling ni mataniari i

Sodada sala na hubaen tu ho ito

Hansit nai dangolnai pambaenanmi tu au

Didia do ito sumpahmi da hasian

Dibahenho ateateku marsalaon

 

 

 

314.Horas horas

Horas horas horas sian hami gellengmuna

Horas horas horas di hamuna na di huta

Sungkunsungkun do roha ai aha do barita

Anggo baritanami na di pangarantoan

Hipashipas do sian gogo ni tangiangmuna

Daging nang tondinta sai di gomgom Tuhanta

Malungun do roha naeng hu mulak martangiang

Rap dohot hahaanggi nang dohot tu angka dongan

Aut boi ma tarbahen marsahali sataon

Sai boi mulak tu huta naeng rap marlas ni roha

Pasombu sihol ma nian tu damang nang dainang

Disi ma pinapuas sude na lungun di roha

Alai boha ma i bahenon dang tarbahen dope ro

Langka lao marsiholsihol dang tingkina dope ro

Aut boi ma tarbahen di ari Natal on

Lao manopoti sala di taon baru on

 

 

315.Tubu holong

Tubu do holong ni roha da ito

Molo sai pinanotnotan bohimi

Ganup ari do pajumpang

Di huta manang di balian i

Denggan ni lagumi do da ito

Uli ni rupami do na huida

Tarpangan rohangki tu ho ito

Saleleng hita naung mardongan

Hape dina sahali hasian

Husungkun ma ho haholongan

Manang na beha holong ni rohami

Hape naung martunangan do ho

Tarsonggot au ito umbege i

Tarhirim au ito di holongmi

Hurimpu ho rongkap ni tondingki

Hape naung adong nampuna ho ito

 

 

316.Hurimpu

Hurimpu do naung togu urat ni padan

Hubaen I laho mangarahuti soban

Hape gotap do gotap do I di tongan dalan

Hurimpu do naung togu hita marpadan

Saleleng on hita ito da namardongan

Hape gotap do digotapho diparalangan

Mandele au mandele rohangki alani ho

Digotapho digotap ho ihot nipadan ito

Arirang na tubu di tonga ni porlak

Marsirang marsirang do na so marrongkap

Horas na tinggal horas ma ho ito na borhat

Horas ma ho

 

 

317.O namarbaju

O na marbaju na sundat maen ni dainang

Tading ma ho di dalan i mulak sian jabu ni damang

Hansitnai ditaon ho humonghop au ale ito

Molo so rongkap do ito hansitnai da roha i

Molo so rongkap do ito hansitnai da roha i

Topiktopik pinggan tu bolabola suasa

Sundat ho maen ni damang sundat ho maen ni dainang

Molo tung sundat ho ito na lao maen ni damang i

Ala sorongkap do ito umbaen na sirang di dalan

Ala sorongkap do ito umbaen na sirang sian ho

318.Boan au

Marjuta bintang di langit sada do naung manondangi

Marjuta na ro tu au ho do ito hutodo

Bagas pe laut India umbagas do holongku

Timbo pe dolok martimbang tumimbo holongki

Ho do na husayangi sasada ho do di rohangki

Boan ma au boan ito tudia pe boan ma au

Asal ma rap au dohot ho marsingkor pe olo do au

 

 

319.Marpangansi

Molo ro bot ni borngin i

Hundul au martutungkian

Huingot ma sude hatami

Ditingki rondang ni bulan i

Sai tangis do au tingki i

Marningot pargaulanta i

Hurimpu do tutu nidokmi

Hape na marpangansi do ho ito

Pandeleannama jambarhu hasian

Ido ito pinangidomi

Pulut ni roham taononkunama i

Naung tarsurat do di tanganki

Lalalala lalalala lalalala laa…

 

 

320.Masihol

Masihol masihol au

Sai naeng pajumpang dohot ho da hasian

Sadari pe ito dang jumping au dohot ho

Dang marhasoan au di ngolungki

Malungun malungun au

Sai naeng jonok dilambungmi da hasian

Saborngin pe ito dang jumpang au dohot ho

Sai busisaon au di ngolungki

Tudia tudia pe au lao sai tu ho lao pingkiranku

Tung aha tung aha pe hu ula holan ho dirohangki

Umbulus ma nian ito tapasaut sangkapta i

Asa tung boi huida ho di ganup ari

Umbulus ma nian ito tapasaut sangkapta i

Asa pajumpang dohot ho di ganup borngin

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s