201.Goarmi pararonku
Anggo hatam tu au ito natuatuami do na mamaksa ho
Asa oloanmu tu na tinodoni rohana i
Saborngin na bagas ho didok ho sai tumatangis ho marningot au
Ala so boi tarjua ho natuatuami mangido maap ho tu au
Alai ro ma donganmi mandok tu au
Hape ho do na manggoda hasian
Ala dung diboto ho sidoli i jolma na mora
Jala parpangkat na timbo hasian
Gabe ditatahon ho ma bogas mi da na so ada
Hape tintinku di tanganmu hasian songon tanda ni padanta
Alai nang pe songoni ale ito
Tung sopola tagamonmu sapatangku
Dang badanmu pamatangmu hasian saut di au
Tung goarmi pe pararonku do ito
Bahenonku haduan panggoaringku hasian
Molo dung jumpang sirongkap ni tondingki mangapusi ilungki
O ale Dewi hasian tung sopola au sega bahenonmu
Alai pargabusanmi do da ito ido na sai husolsoli
202.Golang
Unang sai marsak be ho mamingkiri parsirangan on
Nunga i be ito nadumenggan di ho
Lao ma ho lao ma ho hasian
Golang na hulehon i unang pola paulak tu au
Pangkepangke ma i parningotan di ho
Na hea hita na mangunduk padan
Soada na sala dihita na dua
Denggan tung denggan do pargaulanta i
Hape ingkon marsirang na marsaihaholongan
Holan ala ni deba
Huboto tu au holongmu ito
Hape ingkon lao ho manadinghon au
Nang pe dijua roha na ingkon sijaloon parsiranganta on
Tubuan anak dohot boru ma ho
Jala tibu ma dapot rongkap au
Atik beha anakhonmi haduan marrongkap tu anakhonki
203.Hansitnai ito
Lambok ni hatami ma ito
Dos tu uli ni rupami hasian
Mambaen holongku lam bagas tu ho
Mambaen nipingku sai holan tu ho
Hupeop do sudena ito
Janjim tu au na uju i hasian
Naingkon ho saut di au ito
Ido na sai lohot di rohangki
Hape tompu do hasian digotap ho harapanki
Dungkon marurat holong na di rohangki
Molo muli ho hasianhu tu sidoli namora i
Tinggal ma au hape na pengangguran on
Hansitnai ito parir do i di au muli ho hasianku
Hansitnai ito parir do i di au muli ho hasianku
204.Di bona ni rambutan i
Diingot ho dope ito tingki di huta
Rap hundul ma hita ito paduadua di bona ni rambutan i
Di na so panagaman tompu doras ma udan
Lam dipajonok ho tu au jala huhaol ho gomos asa unang ngalian
Di bona ni rambutan i hita marpadan tung so jadi marsirang
Molo so rongkap do ito hita na dua
Tung na so muli au sahat tu na matua ido hatam na uju i
Bolak pe laut gorga bagas di tongatonga
Naingkon langeanta do asal ma rap au dohot ho tung aha pe na masa
Huhut manetek ilumi jala marsumpa asa unang be muba
Ai aha ma laba ni sumpa da ito
Molo tung ingkon gabe sirang do ujung na
Tarsongon tobu do hape manis mulana
Nang dung leleng lam mago ma ito daina
Songoni do ho ito songoni do ho ito
Lupa do ho di padan nang dohot janji
Sae ma i ito sae ma i ito sae ma i
205.Paragat
Teretek Tek tek Tek tek Tek tek
Soara ni sibalbal bagot i
Teretek Tek tek Tek tek Tek tek
Ditampul ma tangantanganna i
Teretek Tek tek Tek tek Tek tek
Didampol ma da harirang na i
Pintor manetek tuak na tonggi sian i
Teretes Tes tes Tes tes Tes tes
Panetek ni tuak natonggi i
Teretes Tes tes Tes tes Tes tes
Ditarehon ma tu potingna i
Teretes Tes tes Tes tes Tes tes
Nunga tuat hape paragat i
Ida ma tuak na da na margumogumo i
O da paragat patibu damang sian i
Nunga tung mauas na paimaima ho
O da paragat patibu damang sian i
Nunga tung mauas na paimaima ho
Trala lala lala lala
Sonang nai na minum tuak on
Lala lala lala lala
Sombu uas tahe dibahen i
Masitambai tuak na be
Ido hape ubat daon ni arsak holso pe
206.Holong na ias
Unang sai marsak be ho ale ito
Unang sai tangis be ho tu au
Pos ma roham tu au hasian na lagu
Tung so lupa au di padanta i
Tung so lupa au di padanta i
Nang pe torop angka sidoli hasian
Na manjonokjonoki au
Tong do tu ho pingkiranki da hasian
Holan ho do cintaku da ito
Holan ho do cintaku da ito
Huboto do da holongmi
Tung ias do tu au da hasian
Songoni do holongmi
Songon ias ni roham do da ito
Naingkon saut do ito sangkapta i
207.Ilungki paboahon
Dang taralusi au itu dang tardok au be mangalusi hatami
Patamba arsak nama i hasian nang pe hudok alus ni sungkunsungkunmi
Hansit do ito mura dang taralusi au maol pe dang tardokkon au ala ni sitaononki
Molo hudok do hasian na so holong be rohangki marnida ho
Manang boha tadinghononmu do au hape rohangki sai tu ho hasian
Tung i do ito na sai solot di rohangki umbaen na sip pe au tu ho dang hualusi hatami
Tung ilungki ma ito na paboahon lungun ni rohangki
Dang tardok au hasian dang tardok au be manang aha tu ho
Ai nunga tung hansit magopu nang rohangki ala so adong dalanku pasonanghon ho
208.Aut boi nian
Boasa ma ito soboi tarpodom molo huingot do sude na salpu i
Boasa ma ito dang langku mangan molo tompu huingot bohimi
Dao pe ho ito da sian mata alai jonok doho ito dibagas roha
Sipata hundul au maranganangan marningot pargaulanta na salpu i
Sugari ma nian da hasian huboto didia baritam
Tongosonku hasian surathi tu ho ito paboahon namasihol au tu ho
Aut boi nian… Aut boi nian…
Pajumpang ahu dohot ho
Aut boi nian… Aut boi nian…
Paduadua dohot ho
209.Paimaonku do ho
Dao pe darapati mangareap tu harangan
Sai diingot do tongtong
Ingot do mulak ingot do mulak tu huruhuruanna
Boha ma ho doli na di tano parjalangan
Tung soada do roham
Paboa kabar manang barita tu au da hasian
Molo huida si dongan magodang i
Naung di pa hot di hatuaon i
Tangis tariluilu au di na buni
Ai muba ma au ito marsadasada bulung
Padan nang janjinta na togu naung rahut di pusupusuki
Rodi ujung ni ngolungku tung so mose au disi
Hoooo paimaonku do ho paimaonku do ho hasian
Paimaonku do ho paimaonku do ho rodi ujung ni ngolungku
Hoooo.. hasian
210.Dang tarbolus au ito
Dang tarbolus au ito rura hangoluan on
Molo so ias roham lao mandongani au
Dang na tardalani au dao nidalan i
Molo so rap hita na dua hasian
Ai so margogo au holan sasada au
Tung holong ni rohami do tamba ni gogongki
Dalanku lao mangalugahon solungki
Asa tung sahat au tu na huparsinta i
Na lao patoguhon ari parpadanan i
Ho ma nian ito na gabe rongkaphi
Nunga tung ho ito na dapot rohangku dung pajumpang dohot ho
Holan tu ho nama sihol nirohangku hasian
Unang pasombu au diago arsak i
Togihon ma au ito jonok tu lambungmi
Unang paloas au di angananganki
Ulosi ma au ito marhite holongmi
Ulosi ma au asa tung sonang rohangki
211.Patik palimahon
Inang pangintubu unang sai tumatangis ho
Tangis do ho di sihabunian i
Lao mamingkiri hansit ni sitaononmi
Mengkel do ho di sihapataran i lao mangholipi hapogoson i
Tungki do simajujungmi molo disungkun sude na donganmi
Nunga boha borumu na di ranto i
Ido mambahen maraburan ilumi
Toho do i nian hata ni donganmi
Ingkon tongosonku pasidemban mi
Inang pangintubu pos ma roham
Dang na lupa au di ho ale inang
Huingot do inang Ima hata ni patik palimahon i dainongku
Alai so boi dope hutongos pasidembanmi
Mansai parir dope inang da ngolungki
Saitangianghon au inang dapotan pansarian i
Unang be sai tumatangis ho inang
212.Parende borngin
Parende borngin do karejongki da hasian
Sude do kafe Batak nunga hudalani i
Alogo dohot ombun pe hutaon di borngin i
Holan mangalului sihumisik hasian
Sai marngilutan sai marngilutan ma dagingki
Malomalo ma ho manganju roha parsondukhu
Dang na so olo au dilambungmi di borngin i
Na bagak nang na seksi nunga hundul raphon au
Alai tung so targoda rohangki da hasian
Tu ho do roha tu ho do roha di borngin i
Dimanogot ni ari i disi pe asa boi mulak
Holong mi ma dainang manomunomu au parsondukhu
Dina laho modom au pasuang hosa lojangki
Dongani au inang pajonok ma tu au masihol au
213.Rade do au
Aha do niarsakhonmu umbaen sai ro rimasmu
Paboa ma paboa ma
Aha do sibahenonku asa pos roham di au
Husiphon ma husiphon ma
Hatahon ma tu au aha arsakmu
Ai dang boi tardodo au na di roham
Rade do au mangapul ho hasian
Hasian hasian rade do au
214.Sataon
Masihol au naneng pajumpang dohot ho
Ai tung ngotngot do di au da ito na sai tarpaima
Loja do au mandiori ho ito sude do luat nunga hudalani alai soada ho
Sataon ma ito huhalojahon mandiori ho
Nasa jolma husungkuni dohot bulan na di ginjang
Alai soada umbotosa manang didia ho
Boasa ma ito ingkon margabus ho tu au
Dang hurimpu lupa ho di sude janjimi
215.Purba ni boruadi
Aha do amang dijalo ho purbani baoadi
Umbahen ahu da amang sigodang hangalan
Ale inang pangintubu alusi au da amang parsinuan
Tung aha do umbahen dangol purba ni baoadi
Umbahen au sigodang hangalan
Hubereng halak na humaliang nunga sude be amang maulibulung
Sumalin baoadi da inang songon sanggar maujung
Dibagianki da amang di sialangalang
Tangihon au da ompung na di ginjang
Unang sai lao rohangku tu pandelean
Nunga sude husungkun halak
Manang boha do amang partubuanku
Dang targoarhon au be amang tu damang nang dainang
Dibagianki da amang disialangalang
Mekkel do au di si hapataran
Sai tumatangis do amang di si habunian
Dang tarandunghon au be amang
Pandokkon ni bagian na hansit i da amang
Sai lalap di parhansitan
Tatap ma au da ompung na di ginjang
Unang sai lao rohangku tu pandelean
216.Pos ma roham inang
Dang au da inang namanodo bagianku
Leleng di parjalangan sai lalap diparlalapan
Niula siulaon sai mago diparalangan
Sude na pinarsinta upa ni angka na niula
Tung aha so tarida sai mago di anganangan
Papos roham inang dang na lupa au marinang
Nitahi roha mulak da sibahenon na soada
Tudia hapuasan ia so ilu maraburan
Soada pangondian na laho pangalualuan
Na boi parsalian pasombu sihol tu dainang
Nang pe songoni bagianki dang mandele au disi
Martangiang ho inang tu mulajadinabolon
Anggiat boi muba inang bagianki
Martangiang ho inang tu mulajadinabolon
Anggiat boi muba inang bagianki
217.Unang ambati au
Nunga tung mahiang iluilu sian mata
Hape laos so marna sun arsak na di rohangki
Ala ni pambaenanmi ho ito haholongan
Jalo ma ito tanda na nilehonmon
Tung borat pe rohangki hutanggalinama i
Molo i nama ito i nama pinangidom
Nunga tung manasai gale huhilala
Paihutihut roham hape tung so adong di ho ito
Panghilalaan di parsorionki
Ai dang tolap au sai tangis ito binaen ni arsakhi
Tung na mumbang pe au nang lonong pe au
Unang unang ambati be au
218.Tobu sirara
Tobu sirara i, tobu sirara i
Dilehon dainang tanda mataki di ho
Diponggol dainang dihilhil ho ma i
Mansai tonggi didok ho tu dainang
Dainang i do mangaririt ho
Dainang i do mangaririt ho
Boi gabe rongkaphu boi gabe rongkaphu
Boru ni rajanami
Dainang i do na manodo ho
Dainang i do na manodo ho
Boi gabe rongkaphu boruni rajanami
Inang ni gellengku
219.Butet
Butet dipangungsian do amangmu ale butet
Da margurilla da mardarurat ale butet
Da margurilla da mardarurat ale butet
Butet sotung ngolngolan rohamu da ale butet
Paima tona manang surat ale butet
Paima tona manang surat ale butet
Idoge doge doge ida idoge doge doge
Idoge doge doge ida idoge doge doge
Butet tibu do mulak au amangmu butet
Musunta ingkon saut do talu ale butet
Musunta ingkon saut do talu ale butet
Butet haru patibu ma magodang ale butet
Asa adong da palang mera ale butet
Da palang mera ni negara ale butet
220.Ubati rohangkon
Ito ito da hasian ito ito da haholongan
Dua bulan dang pajumpang dohot ho
Busisaon busisaon au ito susa au gabe susa rohangki
Ito didia ho nuaeng ito tung ro ma ho tuson
Ubati jo ubati jolo rohangkon
Malungun au malungun au da hasian
Ro ma ho ro ma ho tu lambungkon
Dang sanggup au molo marsirang sian ho
Dang sanggup au molo dao ho sian au
Unang unang tinggalhon au ito
Ai holan ho ai holan ho do di rohangku
Husubut pe husubut pe roham ito
Asal ma asal ma ho di lambungki
Asi roham asi roham di au ito
Di rohangki holan ho do hasian
an><��J �$� X� MsoNormal align=center style=’margin-top:0in;margin-right:11.7pt; margin-bottom:0in;margin-left:0in;margin-bottom:.0001pt;text-align:center; line-height:normal’>
Pos ma roham ito haholongan
Holong ni rohangki holan tu ho do i
Dang boi tarpodom au so boi nok mataku
Paboa aha do salaku na hurang di pambahenanku
Unang sai muruk be ho dahasian
ULTOP ULTOP 