Lirik lagu Batak 001-020

01.      Tung so huloas ho marsak

Aha do arsak ni rohami aha na holip di rohami

Umbaen na sai holsoan ho paboa ma tu au da hasian

Aut sugarima tardodo au angka na buni di rohami

Naeng ma putihonku asa tung mago holsomi ito

Tung so huloas ho ito diago arsak

Tung so huloas ho ito sai tumatangis

Asa rap mengkel hita nadua

Asa rap mengkel hita nadua hasian

02.      Soripada na burju

Soripadaku naburju na lambok malilu

Toho ma ho boru ni raja tinodo ni dainang i

Nang pe sipata sala do au engkelmi dibahen ho

Tung so muruk tung so muruk

Tung lambok panungkun mi

Namalo do dainang manodo ho na lao parumaenna

Boi ho sipaniroi sipanuturi di parsaripeonta

Songon lambok ni nambur

Pambaenanmi tu damang dainang i

Ho ma na parjolo ho do na parpudi saleleng ngolungki

03.      Anakku na burju

Anakku na burju, Anak hasianku, Anakku na lagu

Ingot do ho amang di angka poda ni natuatuami

Dung hupaborhat ho na marsingkola i

Tu luat na dao i amang benget do ho amang benget do ho

Manaon na dangol i

Molo huingot do sude tahe amang pangalahom na salpu i

Sipata lomos do natuatuamon di si habunian i

Hutangianghon do mansai gomos amang anggiat muba rohami

Dijalo do amang dijalo do tangiangki amang

Ipe amang hasianku, anakku na burju

Pagomosma tangiangmi tu mulajadinabolon i

Anggiat ma ture sude hamu pinomparhi amang

Masiaminaminan masitungkoltungkolan songon suhat di robean i

Dung dao amang pangarantoanmi anak hasianku

Dihaburjuhonho do i sude amang di tano sileban i

Mauliate ma tadok tu Tuhan i dinaung jonalomi amang

Jumpangmu do amang jumpangmu do najinalahanmi

Ipe amang hasianku, anakku na burju

Pagomosma tangiangmi tu mulajadinabolon i

Anggiat ma ture sude hamu pinomparhi amang

Masiaminaminan masitungkoltungkolan

Songon suhat di robean i

Masiaminaminan masitungkoltungkolan

Songon suhat di robean i

Anak na burju….

04.      Anak ni raja boru ni raja

Nunga tarida be sasudena holong ni rohami

Ai dang na holan hatahatangku hujalo hatami

Ala huboto do tu au holongmu

Jal ias do i sian roham ito haholongan

Boru ni raja ma ho tutu da na huparsinta i

Anak ni raja ma ho ito da parasi roha i

Saleleng hita masihaholongan

Patar do i sabam ni rohami manganju au ito

Tapasahat ma tu Tuhan ito

Denggan ni pargaulanta i

Ai lan pe tasangkapi

Rohana do na saut patupa sasudena

Sabar hita paimahon ito

Jala pos roham da hasian

Tung siat pangidoan ingkon do hita sada sahat

Sahat na saurmatua

05.      Boto lungun anakku

Boto lungun anakku di masa ni haleon on

Unang be sai todo hasian na so tolap gogongki

Bereng anggi ibotomi na torop sopiga i

Sotung sumolsolbagi i molo so marsingkola i

Burjuhon damang namarsingkola i

Ido na boi tarbahen au na lao pauseangmi

Ai soada hauma hasian nalao panjaeanmi

Burjuhon ma parhaseang ma hinorus ni hodokki

06.      Marmasak sandiri

Ai diingot ho dope ale dongan na marmasak sandiri i

Mangallang gulamo na tinutungnutung i

Modom di lagelage podoman i naung maribakribak i

Laos i dope dipakke hami sahat tu sadari on

Alai anggo donganta sisahalak i na sian lumban lobu i

Ima anak ni parlapo parutangan i

Nunga lae tahe marujung ngoluni dibulan naung salpu i

Rap dohot motor na madabu di Siserasera i

Ale doli… ale doli

07.      Jujung goarhi

Nunga naeng bot be aringki

Tongkin nari suda ma nang gogongki

Ho nama anak hasianku na boi manjujung goarhi

Hutaonhon do marhoihoi

Tung marsali nang manggade pe hubaen

Asa sahat pinarsintami tung boi hasea ho muse

Iale anak hasianku

Tung burjuhon ma amang na singkolai

Bereng angka na hasea i nasinuan tubu do nidapotna i

Bereng au napuaspais on naung lea binaen ni pogos i

Jujung goarhi amang, jujung goarhi amang

Paima so suda gogongki sai sungkaonku do pasingkolahonho ale amang

Molo hasea ho muse anggiat boi ho pangunsandeanki

08.      Dingolungkon ma nian

Hamu anakhonku, Tampuk ni pusupusungki

Pasabarma amang pasabar ma boru

Lao patureture au

Nunga matua au, Jala sitogutoguon i

Sulangan mangan au siparidion au ala ni parsahitonki

Somarlapatan marende, margondang, marembas hamu molo dung mate au

Somarlapatan nauli na denggan patupaonmu

Molo dung mate au

Uju dingolungkun ma nian

Tupa ma bahen angka na denggan

Asa tarida sasude holong ni rohami marnatuatua i.

09.      Boasa ma gabe sai hohom

Boasa ma gabe sai hohom

Ho ale haholongan

Soadong hoboto nian

Nasala hubaen mangarsak roham

Atik adong na sala hubaen

Na mambaen hansit roham

Anju au ale hasian

Molo tung adong hansit ni roham

Sipata molo marsak rohangki

Ture na do muruk tu ho

Alai holan satongkin do i

Ipe alani arsakku do i

Sai anju ma au ale hasian

Unang be hansit roham

Anju au ale hasian

Molo tung adong hansit ni roham

 

10.      Nasonang do hita na dua

Na soang do hita na dua saleleng au rap dohot ho

Nang ro di na sarimatua sai tong ingotonku do ho

Hupeop sude denggan ni basam huboto tu au do roham

Nang ro dinasarimatua sai tong ingotonku do ho

11.      Huletek lage i

Huletek lage i di ho lao podomanmu borngin i ito

Hutonun gobar i di ho asa adong lao ulosmi borngin i

Hupatudu do tu ho holong ni rohangki ito

Hape balik do dapot au sian ho aha Alana

Dung hu olo sude pangidoanmi

Dipasombu do au ito tariluilu

Boasa ma ito boasa ma ito gabusanmu au

 

12.      Gellengta i do hamoraon

Unang arsakhon unang tangishon

Parsorion na sai manongtong

Bagian jaloon jala porsanon

Dang ise na manghalomohon

Ale inang ni gellenghu unang gabe mandele ho

Tangiang gogohon jala tagamon

Tung aha pe na gabe sijaloon

Naung turpukta do ale inang

Manaon sude na angka na hansit i

Dang tarihuthon i inang

Songon angka dongandongan i

Hapogosnta na tarlobi i na sai dihata jolma i

Benget ma hita manaon i gellengta i do hamoraon

13.      Sangap do ho among

Sangap do ho among di hami sude pomparanmon

Di bagasan sadari on sudena gellengmon mambahen sipanganon na tabo

Songon na nidok ni patik palimahon i ingkon pasangaponmu natorasmu

Di ari na uli on di ari na denggan on

Najinadihon ni Tuhan i tu ho among tu ho among parsinuan

Marpungu do sude angka pomparanmi mambahen sipalashon rohami

Sai anggiat ma songon ganjang ni umurmi sude na gellengmi

Jala pagomos martangiang tu Tuhan i asa taruli sude pomparanmi

Masiaminaminan songon lampak ni gaol

Masitungkoltungkolan songon suhat di robean

Ima poda siingotonnami lao manomu tu ari na naeng ro

Jala marupa halojaonmi namarmuduhon hami sude na gellengmon

14.      Boru ni raja

Tio ma songon mual i

Rintar ma songon bonang i

Pambaennanmi inang ni gellengku

Nang sipata sala au

Manganju ho dihahuranganhi

Dang hea pailahon ho

Toho ma ho boru ni raja i

Tudia au mangalangka

Diboan ho di tangiangmu

Tiur do da pansarian

Ala lambok pambaenanmi

Toho ma ho boru ni raja i

Na umboto aturan i

Di pambaenanmi

Gabe sulu di ngolunta i

 

15.      Boasa dung botari

Adong huida sada bunga rupana tung mansai uli

Sai marhabangan angka loba lao songgop tu bunga na i

Dina lao au naeng mambuat huida dang disi be i

Mulak boti au jala marsak pasarisari bunga i

Sai huranapi humaliang mangalului sisongon i

Hape di na so pangkiriman jonok do ho di lambungki

Boasa ia dung bot ari pajumpang au dohot ho

Sian nasogot sai hulului rongkap ni tondi da ito

16.      Unang tinggalhon au

Unang tinggalhon au ito nauli di au

Molo tinggalhononmu au tudia na ma au lao

Tudia nama au lao

Dung di tonga borngin tarsunggul au ito

Hurimpu na marsirang au

Au sian ho ito au sian ho ito

Ai nang sian mulana pe hudok do mandok ho

Sotung sumolsol ho muse

Di au na pogos on di au na pogos on

17.      Poda

Angur do goarmi anakhonku songon bungabunga i na hushus i

Molo marparange na denggan do ho di luat na dao i

Jala ingkon ingot do ho tangiang i do parhitehitean i dingolumi da tondingku

Unang sai mian jat ni roha i dibagasan rohami

Ai ido mula ni singkap mabarbar da hasian

Ingkon benget ma ho marroha jala pantun maradophon natuatua ai ido arta na umarga i di ngolumi

Ai damang do sijujung baringin di au amangmon

Jala ho nama silehon dalan di anggi ibotomi

Ipe ingot ma ho amang di hata podaki asa taruli ho di luat sihadaoan i

Molo dung sahat ho tu tano parjalanganmi marbarita ho amang

Asa tung pos roha ni damang nang dainangmon di tano hatubuanmi

18.       Poda Nauli

Ale amang anakhonku

Sinuan tunas tampuk ni pusupusungki

Bege jo amang hatangkon

Huhut pahusorhusor di roham

Hata na uli situtu naeng simemehononku tu ho amang

Sipodahononku asa adong bohalmu anak hasianku

Burjuhonma anakhonku o tondingku

Na marsingkola i amang

Asa jumpangmu da amang angka na pinarsintasintami

Ai so adong silehononku

Hauma manang tombak panjaeanmu

Holan marsingkola na boi tarbahen au di ho anakhonku

On do amang siingotonmu poda nauli sian au amangmon

Pangarongkom na pinangkemi amang

Tudos ma i holiholingki

Hodokhu na di balian i

Tudos ma i tinta ni pangarongkommi

Harotas na sinuratmi amang

Tudos ma i hulinghulingku anak hasianku

19.      Tangishu tu dainang

Hata ni halak didok do au namora

Hata ni halak didok do au na sonang

Toho do i nian toho do i nian

Basa ni Tuhan dang paragoon

Alai rohangkon soada umbotosa

Alai rohangkon malala di bagasan

Mengkel di na patar do au da inang

Alai di na buni tangis do au

Anak na jekjek do ai nian jolma na malo do au nian rindang ni siubeonmi

Anak na burju do au nian hau na bolon do au nian na boi pangunsandeanmi

Alai mardingkan do da parumaenmi di na husari i

Gabe mandao ma sudena sian au haha anggi ibotoki

Ima tangishu tu damang dainang i na so tarandungkon i

20.      Saribu taon

Dibagasan rohangki hasian

Dang adong asing ni ho

Tung mansai bagas hutanom holongki

Holan ho do nampunasa i

Sada do na hupangido sian hon

Unang baen hansit rohangku

Haholongi au sayangi ma au

Songon au manghaholongi ho

Tung didia pe tung andigan pe

Holong mi tu au unang muba

Ai dang olo au dang olo au ito

Holongmi tu au holan sambola

Sae ma holan au ito namanggohi rohami

Molo boi saribu taon sai rap hita nadua

su..du..du…dududu

ha..ha..haha

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s