Dongan di ulaon adat 17

BAGIAN VIII

ULOS DOHOT PAMANGKENA

Godang do ragam ni ulos di halak Batak, alai holan opat do najotjot dipangke di ulaon adat.

  1. ULOS MANGIRING (Jenis ulos parompa), pamangkena:
  1. Dipasahat tu dakdanak nabaru sorang
  2. Dipasahat tu posoposo/dakdanak na tardidi di gareja (parompa)
  3. Ulos saput ni posoposo/dakdanak na monding
  1. ULOS SIBOLANG, jotjotan do on dipangke di ulaon habot ni roha, pamangkena:
  1. Ulos saput ni dolidoli/anak boru molo monding
  2. Ulos saput dohot tujung ni natunggane molo monding
  3. Ulos sihadangon di ulaon habot ni roha (marujung ngolu), hasuhuton na manghadang ulos sibolang, diampehon ma diabara parhambirang jala pinggir ni ulos dompak ruar, songon i do nang angka tutur na mandok hata pe ingkon manghadang ulos sibolang do.
  1. ULOS RAGIHOTANG (ULOS SIRARA), tung godang do namamangke ulos ragihotangon tarlumobi ma di ulaon las ni roha, pamangkena:
  1. Ulos hela
  2. Dipasahat tu namalum sian parsahiton
  3. Dipasahat tu namangompoi jabu
  4. Sipangheon di namangonghal holi (dipasahat hulahula tu boruna)
  5. Sipangheon di pesta unjuk
  6. Ulos holong di angka ulaon adat
  7. Dihadang diangka ulaon las ni roha
  8. Ulos saput dohot tujung ni nasarimatua, jala tondong na talup manghadang, ulos ragihotang on ma di ampehon tu abara parhambirang jala pingirna i dompak ruar.
  1. PINUSSAAN (RAGI IDUP), pamangkena:
  1. Di ulaon pesta unjuk, suhut bolon manghadang di abara parsiamun jala painggirna dompak ruar.
  2. Dipasahat tu namalum sian parsahiton (molo dung marpahompu)
  3. Dipasahat tu na mangompoi jabu (lumobi molo mamalu ogung sabangunan)
  4. Diulaon mangonghal holi (jotjot dipasahat hulahula tu boruna)
  5. Ulos pansamot (somalna)
  6. Ulos pargomgom (ompung ni anak mangoli)
  7. Dihadanghon. (Namanghadang ulos ragi idup naeng ma nian marumur pinomat 50 taon asa sanggam idaon.
  8. Ulos saput dohot ulos sampetua ni nasaurmatua/namaulibulung.
  1. RAGAM NI ULOS NA SO POLA HEA BE DIPANGKE

Di luar ni ulos na opat ragam naginoaran diginjang i, adong dope ragamragam ni ulos na sopola hea be dipangke di ulaon adat ima: BINTANG MORATUR, SITOLUNTUHO, SADUM ANGKOLA (GODANG), BOLEAN, RAGI IDUP dohot SURISURI.

Molo manghadang ulos, pinggir ni ulos i ingkon dompak ruar do, jala molo manghadang ulos ingkon songonon ma parpeakna:

–       Molo di ulaon habot ni roha: abara parhambirang ma manghadang

–       Molo di ulaon las ni roha: abara parsiamun ma manghadang

Horas…horas…horas!!!!!

Habis.

2 responses to “Dongan di ulaon adat 17

  1. Horas, amang. Mauliate di tulisan ni amang na mansai denggan on gabe tamba parbinotoan.
    Taringot tu manghadang ulos molo di uloan habot ni roha di abara parhambirang, patorang amang jo filosopina asa lam tangkas parbinotoan. Alana ni ida nuaengon jotjotan nang angka natuatua di ulaon habot ni roha tong do di abara parsiamun.
    Ra na hurang hantus do nasida. Asa boi bahenon pencerahan tu angka dongan naposo ba dibahen amang majolo filosopina ate ?

    • Molo filosopina hurang antus dope binoto, alai molo hinaulina do ulaon, ba sai di par siamun do dibahen partandana. Di parhundul pe sai di par siamun do angka tutur na tumimbo jala na unsangap.

      nisungkun pe natuatua sebagai masukan, manang molo adong do turiturianna di hamu ba boi do ta bahen di son

      mauliate

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s