Lirik lagu Batak 041-060

041.      Ingot Tuhan i

Nilangkahon nama tu julu

Tinailihon amang tu pudi

Songon sorha ni padati do amang

Ngolu na di tano on

Nang taruli ngolumi amang

Nang pe gok artami hasian

Unang lupa ho na modom di lage

Ingkon serep serep marroha i

Molo huingot do naeng gotap singkolami ala ni na sodada i

Sai tangis ho amang saitangis ho amang di abinganki

Alai tupa do i sude dibahen Tuhan i tu ho o tondingku

Unang lupa ho amang unang lupa ho amang di basa ni Tuhan i

Ingot i amang ingot Tuhan i

042.      Targoda ho

Ingot ma ito di na marjanji ho tu au nauju i

Marsumpa ho tu au ito

Didokhonho tu au na ingkon au ito saut di ho

Damang nang dainang na gabe saksi di parpadananta i

Mardongan iluilu ho

Paboa holongmi tu au ditingki i da hasian

Hape digotap ho pargaulanta i

Targoda ho tu parmobilmewah i

Didokhon ho tu au ai dang hutanda ho

Di jolo ni sidoli donganmi

Kejamnai ito pambahenanmi tu au

Ai so huboto aha salangki tu ho ito

Lam ditostosi ma ateateki ito

Dihaol ho si doli i di jolongki

043.      Ho do Rajangku

Diparmahan Tuhan i do parngoluonki

Diparorot Tuhan i do partondionki

Tung mansai basa do i Tuhan tu ngolungki

Ditogu au ditogu au sian na golap i

Uju di na lilu au tangis do tondingki

Uju di na lilu au dao sian Ho Tuhan

Sai gulut di arta do di parngoluon i

Asi rohaM di au Tuhan husomba do Ho

Ho do Rajangku Ho do Rajangku

Husomba Ho Tuhan husomba Ho Tuhan

Ho do Rajangku ho do Rajangku

Disesa Ho do nasa doangki

044.      Haholongi ma au

Haholongi ma au haholongi ma au di sude na hahuranganki

Unang longa nian unang moru nian holong ni rohami sian au

Haholongi ma au haholongi ma au saonari sogot haduan

Nunga ditodo ho nunga diunduk ho salelengna rampak dohot au

Naung sada diraut holong hasian

Ingkon sada hita na dua da ito

Sada disitaonon sada nang di las ni roha

Marsileanan roha hita hasian

Molo na sada muruk sada ma siboan dame

Asa sonang hita nadua hasian

Haholongi ma au haholongi ma au di sude na hahuranganki

Unang longa nian unang moru nian holong ni rohami sian au

045.      Boanonku do ho

Sian dia do mulai on ku

Lao mandok tu ho holong ni roha

Horas ma ito horas hasian

Nunga tung leleng masitandaan

Dang adong dope lao siingoton

Ro do au ito ro do au tu ho

Molo dungkon saut hita mardongan

Naeng tongtong nian marsihaholongan

Unang ma di paralangalangan asa unang gabe sihataan

Haholonganku do ho saleleng au mangolu

Nang ro di dina lao mate pe Haholonganku do ho

Saleleng au mangolu nang ro di dina lao mate pe

Ingotonku do ho Ingotonku do ho

Ingotonku ingotonku ingotonku do ho

Boanonku do ho boanonku do ho

Boanonku boanonku do ho

046.      Lalap di anganangan

Udan nunga siang da inang

Mataniari nunga binsar nunga boi manjomur eme

Ia au sai tongtong sai tongtong ngalingalian

Sai tongtong sai tongtong ngalingalian

Halak nunga sahat da inang

Nunga sahat ro didia marparbue niulana

Ia au sai lalap sai lalap di anganangan

Sai lalap sai lalap di anganangan

Hubereng tu hambirang hutailihon tu siamun da inang

Sude dongan magodang nunga marhasimpanan dainang

Muba au sinuan beumon

Lalap di parlalapan lalap di anganangan

Matua so mangoli matua somarrokkap

Ala ni sitaonon sitaonon na tarlobi

Ompung o mulajadinabolon

Tatap au tatap au tatap au tatap au na dangol on

047.      Anju au

Uuuu… uuuu… uuuu Haa…. Haaaa…haaaa

Anju au, anju au inang ni gellengku

Nang pe mulak tonga borngin au

Dang na maredangeadang pasuda na niomo

Dang songon angka dongandongani

Na lobi pansarian naboi maredangedang

Tu dolok tu toruan ai soadong na hurang da inang

Ingot, ingot ma inang ni gellengku

Poda naung tajalo uju i tingki au raphonho

Hundul di langgatan manjalo hata sipasingot i

Satahi saoloan masianjuanjuan jala ingkon saroha

Unang be sai muruki au inang

Aut na parpangkat au ianang

Manang pegawai au inang di pamarenta

Ra boi do i songon na nidok mi

Boi au tibu mulak tu jabu

Alai tangkas do dainang diboto ho karejoki siganup ari

Jolma ngamodom disi do au mansari

Marhoihoi di tonga borngin i sabar ma ho

048.      Ala ni korupsi

Inang ni si butet peresiden nunga marganti Berantasonna ma korupsi boha mai

Nunga godang naung diperiksa

Nunga godang naung dipenjara dongandonganki

Amang ni si butet tongkinnai giliranta

Auditonna ma sude artanta

Ungkitonna ma muse sinamot i sitaonna ma sude

Villa na di puncak i hotel na di Medan i

Show room modil dohot pabrik na di Batam i

Jualonna nama i lelangonna nama i

Hepengna i masuk do i tu kas negara

Amang simatua mobil na hulean  hasil ni korupsi do i

Sotung leas roham marnida au helamon molo gabe masuk penjara au

049.      Dang na arta

Dang arta manang sere da amang

Napinarbaga ni natuatuamon

Sian hamuna angka gellengki na di parrantoan i

Denggan baritamu begeon ni da sipareon tung ido hupangido

Molo adong na hurang da amang

Denggandenggan hamu masianjuan

Ai bungabunga do di rumatangga sai adong parsalisian

Alai unang adong hamu mamboan i tu onan asa denggan ujungna

Pingkiri ma amang hami natuatuamon

Naung muramura tarsonggot i amang

Angka barita na denggan ma baen hamu

Asa lam tamba ganjang umurhon

Masiaminaminan ma hamu na marumatangga i

050.      Tangiang ni dainang

Tangiang ni dainang i na parorot tondingki

Manang didia pe au manang didia pe au tongtong do diramoti

Nang sipata sala au tartuktuk au di langkangki

Diboan ho ditangiangmu diboan ho ditangiangmu inangku na burju

Hudai na tonggi diparngoluon on

Upa ni lojami humokhop gellengmon

Mauliate ma inang di sude pambaenanmi

Penggeng saor matua penggeng saor matua paihutihut hami

051.      SMS

Bang sms nise do na ro on boasa didokkon sayang tu ho

Sotung adong do halletmu disan

Mambaen rohangku tung so boi sonang

Ai tung alusi jo au hasian so sanga muruk tu ho au anon

Molo holong dope roham tu au

Jujur ma ho hasian

Molo marhata gabus ai ho do nomor sada

Ai nang pe naung sala dang diangkui ho

Antar didokkon ho ma meammeam ni halak

Antar didokkon ho ma tu au sala alamat

Mulai saonari tioponku henponmon

Bang sms nise do na ro on boasa didokkon sayang tu ho

Molo holong dope roham tu au jujur ma ho hasian

 

052.      Sidalianmu manggarar adat

Sidalianmu tu au manggarar adat parsahutaon i

Martaon ari ni ari manipat sabornginho disi

Sidalianmu do i na melekmelekan i dang na mandungoi ho

Hape marjuji do ho patut ma habis hepeng sisaotik i

Ia husungkun ma damang boasa dang mulak borngin i

Logamlogamon ma damang mamingkiri sude hataluanmi

Dung saonari dabo nunga ro didia ho ala parjujionmi

Pauba damang ma pauba damang ma parjujionmi

So gogo ni juma santopak na laho balanjonta

Sinari manogot ingkon i do muse haraphononta manogot i

Adong pe boras satangkar na sinari nama manogot i

Ai tung tangkas ma pingkiri sotung gade sude na arta i

Marniang sibuk pe au amang natuatua ala parjujionmi

Pauba damang ma pauba damang ma parjujionmi

053.      Patutoru roha

Tuginjang sai tuginjang ninna porda

Sai tu toru sai tu toru pambarbaran

Tu ginjang sai tu ginjang ninna roha da inang

Sai tu toru sai tu toru do sibaran

Marmutik ma nasiak dainang

Dompak mataniari da inang

Ingkon padothononhon mulaulaon i

Asa dapot parsaulian i

Ingkon padothononhon mulaulaon i

Asa dapot parsaulian i

Sabar ma hita tahe molo na di ngolu on

Unang ma tabahen tahe ala ni rohanta

Molo taula i angka nadenggan da amang

Ingkon dapotmu do na denggan di ngolunta

Unang tapeop i elat late hosom i

Asa boi diparngoluon i

054.      Pegang gonting abang

Dua hali gotilon do nian dibagasan sisataon i

Tung so hutagam do boi hitaon inang manuhor honda laho dalandalanta

Tung so hutagam do boi hitaon inang manuhor honda bebek laho dalandalanta

Pegang gonting abang inang abang dang pargeok

Ah pegang gonting abang inang abang dang pargeok

Tutu ma ho na malo da inang mangholit ho diparhepengon i

Na otik i inang dipahimpu ho do sangap do au inang dibahen ho

Na otik i inang dipahimpu ho do sangap do au inang dibahen ho

Pegang gonting abang inang abang dang pargeok

Ah pegang gonting abang inang abang dang pargeok

Solu ni sabulan mangaliati tao Toba

Tutu ma ho inang tutu ma ho boru ni raja

Ingot do ho inang di poda ni natuatua

Malo do ho inang malo do ho manuhuk roha

Sude pangalahom sitiruon do inang

Sude pangalahom siingoton do inang

Pegang gonting abang inang abang dang pargeok

Pegang gonting abang inang abang dang pargeok

055.      PHK

Unang.. unang sai marsak ho inang ale inang siadopan

Ai molo tung soada pe da pansarianki na lao siharaphonon sahali sabulan i

Diboto ho do i sude soada be karejoki nunga di PHK be au inang

Unang… gabe mandele ho inang dina parir manang dangol

Manang markulikuli pe oloan nama i asal ma boi mangan sasude gellengta i

Unang be sai marsak ho apusi ma da ilumi

Unang… unang ho lupa martangiang

Hurimpu do di jaman reformasi on

Lamu denggan parngoluanta da inang

Hape balik do pangkiriman da inang

Naung dabu ditipa tangga ma hape

Sombangku ma di ho pamarenta

Sotung mate marsingkor sasude na bangsomi

Patigor ma na hurang denggan di negaranta on

056.      Molo huingot

Molo huingot molo huingot ma sude angka naung salpu i

Molo sai hurimangi di rohangki olo manetek ilu sian mata

Dang tarhatahon be tahe ai nunga salpu be sude lungunai tahe

Molo huingot molo huingot ma muse sidongan magodang i

Dongan saparmeaman na uju i nunga ro didia saonari

Dongan saparmeaman i rap dakdanak uju i tingki di huta i

Saonari nunga dao au diparjalangan

Huta hatubuan nunga leleng dung hutinggalhon

Alai rohangki tung na so lupa do di angka parsorion dohot dongan na uju i

O ale alogo pasahat jolo tonakon

Tu sasude dongan magodang nunga didia saonari

Ai tung soboi be marpungu songon tingki naung salpu i

Tuhanta i ma na manggomgom hita on sude

057.      Boru hita boru Jawa

Adong do sada tarhira sahit ni boru hita

Na olo i ma losok rohana mangurus dirina

Parsahurangan dope nian nga hira naung matua e.ee

Gabe olo sipata tahe da tata rohaniba mangida boru ni raja na di jabuan hu..u

Laos olo ma sipata tahe da tubu sangkapsangkap di roha lao mangalap boru Jawa an

Sai mangapian do anggo roha mida boru Jawa

Ai tung malo do mambuat roha ni sinondukna

Nang naung sia hurang sai ro dope ijur tahe mangida ha..haa

Gabe olo sipata tahe da tata rohaniba marnida boru ni raja na di jabuan ho..o

Laos olo ma sipata tahe da tubu sangkapsangkap di roha lao mangalap boru Jawa an

Ai anggo boru hita ala boru ni raja i

Olo do i sipata salpu hatana i

Molo pinasingot pintor kariting ma bohina on jala songon ipitipit simangkudap on hu..u

(adong dope dibariba)

Gabe olo ma sipata tahe da tata rohaniba mangida boru ni raja na di jabuan ho..o

Alai boru Jawa adong silaptona sodisarihon ari sogot

Gabe ninna roha i ma muse da

Na tuani do nialap hape da boru ni raja na di jabuan hu.u

Ai nang pe nareteng nasida jala olo salpu nang hatana alai manghorhon do tu nadenggan ho..o

Jala nang pe humurang pansarian na sai luluanna do dalan humongkop angka dakdanakna on hu..u

Ai anggo boru Jawa do ninna molo antar hurang sidabuan na olo i ma i la la la la ha..a

Alai adong muse do tahe da halobian ni boru Jawa maradophon siadopanna on ho..o

Na sai mekkel i ma diboan nang pe tolu hali saborngin padampoldampol dagingniba on hu..u

Ai anggo boru hita do ninna olo do gasaon nasida molo nigoit di podoman on ha..a

Ai so na lao pandampolmu au umbaen na saut au tu ho da diboto ho do i..

Pintor ninna do tu iba on ho..o

Gabe olo ma sipata tahe da tata rohaniba mangida boru ni raja na di jabuan ha..a

058.      Anakhonhi do hamoraon di au

Ai tung so boi pe au lao tu paredangedangan

Tarsongon dongandonganhi da na lobi passarian

Alai sude na gellengkida dang jadi hahurangan

Anakhonhi do na ummarga di au

Nang sotarihuthon au pe angka dongan

Ndada pola marsak au disi

Alai anakhonki da dang jadi hatinggalan

Sian dongan magodangna i

Hugogo pe mansari arian nang bodari

Lao pasingkolahon gellengki

Ai ingkon marsingkola do satimbotimbona

Sintap ni na tolap gogongki

Marhoihoi pe au lao da tu dolok tu toruan

Mangalului ngolungolu na boi parbodarian

Asal ma sahat gellengki da sai sahat tu tujuan

Anakhonki do hasangapon di au

Ai tung so boi pe au marhoda marnilon marjam tangan

Tarsongon dongandongankida marsedan marberlian
Alai sude na gellengki da dang jadi hahurangan

Anakhonki do hamoraon di au

059.      Tangis do au

Tangis do au ale inang pangintubu molo dung golap ari i

Dang boi tarbahen songon na nidokmi lao hatop mandulo ho

Ala ni pogos ma hape dainang ingkon taonon songonon

Marsiakbagi au di parjalangan on manaon sude na hansit i

Pabulus ma roham inang, inang pangintubu

Nang pe dao au sian ho tondimi manggomgom au

Tangiangmi ale inang tondimi ale inang

Mandongani anakmon di parjalangan on

060.      Lissoi

Dongan sapangkilalaan o parmitu

Dongan sapartinaonan o parmitu

Arsak rap manghalupahon o parmitu

Tole ma rap mangendehon olo tutu

Lissoi… lissoi… lissoi… lissoi o parmitu

Lissoi… lissoi… lissoi… lissoi inum ma tuakmi

Sirupma sirupma dorgukma dorgukma handitma galasmi..

Sirupma sirupma dorgukma dorgukma ingkon rumar do i

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s