301.Pareman do au
Pareman do au parlompong do au
Unang ho sala pillit
Manat jo pingkiri tangkas jo rimangi
Molo ingkon toho donganmu ma au
Siatanku do hebat tarsongon pejabat
Anggo dibereng halak
Hape supir tembak sipata manerap
Ido ngolungki siganup ari
Molo naeng dohot ho manaon na hansit i
Jolo tangkas ma jo pingkiri lao sidalananmi
Unang sumolsol ho di pudi ari
Ala ni i manat ma jolo pingkiri hasian
Godang do sarjana torop do parpangkat
Na lao sipillitonmu
Tumagon melarat gabe malapalap
Molo ho ito saut di au
302.Soada be hape sada ni roha
Boasa ma dungkon botari digotap ho
Ditostos ho harapanki
Soada be hape sada ni roha
Pangamukmi tu au mansai risi jala paet do diujungna
Marisuang ma i hape ala ni hata
Naung denggan hian laos gabe sega
Tudos tu hau na rumpak do ho nuaeng
Holong baribari do dibahen ho nasai laon hasian
Anggo ala rongkap do uhanta do umboto i haholongan
Boasa ma ingkon saonari boasa ma dungkon botari
Boasa ma ingkon saonari boasa ma dungkon botari
Ditostos ho harapanki
303.Lupa
Lupa pe angka na lupa
Lupa sian bagas roha
Alai holongki da hasian holan tu ho
Tung holom pe borngin i ito
Nang holom marimpotimpot
Anggo ho tung so boi lupa sian rohangki
Molo salpu pe hatangki
Sipata muruk nang ro rimas hasian
Unang ma boan tu roham
Ai dang na sian rohangku hasian
Unang ma nian laos pangambati i
Ai ho nama donganku gabe hasian
304.Holan anganangan
Di toru ni langit na hujujung on
Hundul ma sasada au lungunan ito
Mangarimangi sasude tingki au rap dohot ho
Tangis tariluilu au masihol ito
Hupadirgak simajujungki ito
Mangarongrong ilungki ito hasian
Mansai gogo soarangki mangorahon goarmi
Alai soada hasian mangalusi au
Holan anganangan ma hape di au hasian
Pabagashon arasak na buni na di rohangkon
Mate marsak nama au hape di sihadaoan on
Dang boi pajumpang dohot ho ito hasian
Martangiang au hulompit tanganki
Pasahathon ho ito tu Tuhanta i
Asa anggiat jumpang ho sirongkap ni tondimi
Ala so tarharaphon au be mulak ito
305.Mampar manarus
Unang sai tangis ho butet boru hasianku
Boto do lungun borungku na so marina i
Ai ompungmi do da butet na gabe loja i
Mandior panarusanmi tu dongan huta i
Nang tonga borngin da butet diompa ompungmi do ho
Manuktuk jabu panarusanmi tu na marasi roha i
Marganti soring da butet lao panarusanmi
Dihalojahon ompungmi holan humonghop ho
Mampar manarus ho butet tu dongan huta i
Dihalojahon ompungmi holan humonghop ho
Sai maraburan ilungki marnida dangolhi
306.Marisuang do dibahen ho
Aut na dolokdolok i siburburanmu da anakku
Adong hatahononmu i tu natuatuamon
Hauma peapea do siulaonmu da tondingku
Ipe gabe tarulang do dang diparhaseang ho
Dang na so hubaen marsingkola ho
Hape marisuang do i dibahen ho
Mulak do ho hasian tu jolongki
Hurimpu do diparhaseang ho
Hurimpu do dihabirjuhon ho
Mulak do ho hasian mangarsahi rohangki
307.Mulak tu pasogit
Nunga pitu taon au di parjalangan on
Pola sampe ro surat ni dainang i
Asa mulak au
Hepeng na hupapungu na saleleng on
Di Jakarta on
Tong somarnana sukkup digodang na i
Lehonon tu dainang i
Mulak mulak au tu bona pasogit i
Masihol masihol au huta hagodanganki
Ai dungkon sahat au tu harbangan ni huta i
Hutangki na humaliang bulu i
Marlojong ma damang dainang i
Manomunomu di harorongki
Marlojong ma damang dainang i
Manomunomu di harorongki
Mulak mulak au tu bona pasogit i
Masihol masihol au huta hagodanganki
308.Masa ni haleon
Amang da nunga suda be amang
Napinadimpos ni natuatuamon manggarar utang i
Tu angka namora i
Amang dang tarpatupa au amang
Napinangidomi singkola na timbo haru allangon pe
Na sinali nama i
Tangkas diboto ho amang di huta on
Ai masa ni haleon do
Adong pe sasaotik tuhor ni renggerengge
Masi boras satangkar do
Lima tinodohonmi amang dang tarbereng au
Nasinari pe so sae da amang parbodarian i
Sude na i mambaen da amang hapogoson i
Pandokkon ni sibaran da amang sijaloon i
309.Siraya katumba
Adong ma sada endengku huboan sian luat Pahae
Diendehon di rondang ni bulan
Huhut martumba di tonga ni alaman
Ala siraya katumba siraya katumba
Siraya katumba do goarna da
Siraya katumba siraya katumba
Siraya katumba inang sarge
Pahae di rura Silindung huta na uli na uli situtu
Pangisina pe holan na burju
Maulibulung mamora do huhut
Naeng ho mangaririt ro ma ho tusi
Lao mangalului rongkap ni tondimi
Alai sotung lupa ho di au
Tugihon togihon au tusi
310.Togu au Tuhan
Unang loas au Tuhan manimbil sian patik nabinahenMi
Unang loas au Tuhan lilu sian dalan na tigor
Togu au togu au Tuhan asa unang lilu au
Nang dohot tondingki sahat ma tu tanganMi Tuhan
Angka na huula i sai pasupasu ma tongtong
Patudu ma holong ni roham saleleng mangolu au
Tangihon ma Tuhan tangiangkon
Oloi ma Tuhan pangidoanki
Pos do rohangki dang pasombuonMu au
HolongMi nama na mandongani au
311.Boan au tu dalanMi
Tung jotjot pamanganhon mandok na so tingkos
Langkangki pambaenanki maralo do tu patikMi
Sipata mabiar au mamereng silangMi
Tondingki gabe gale ala ni dosaki
Beha ma au ale Tuhan pardosa on
Sai jalo ma ale Tuhan tangiangkon
Asi roham Tuhan di au naposoMon
Togu ma au boan au tu dalanMi
312.Sungkun ma bulan
Sungkun ma i tu bulan I aha na di rohangki
Sai na tu ho do holongki hasianku
Boasa ma tung songonon sai mandao ho sian au
Lupahon ma nimmu tu au hasianku
Hansitnai pambaenanmi lupa do ho di janjimi
Tu pandelean nama au molo so ho saut di au ito
Da na lagu
313.Mata hepeng
Tarsonggot au mamereng ho
Tung mansai tompu muba roham
Sabulan dope au rap dohot ho
Didok ho hata sirang tu au
Mansai lungun do rohangki
Mambege i sude hatami
Direkrekma i sude dagingki
Holan ala ni pambaenanmon
Ai mata hepeng do hape ho ito
Sirimburrara do ho
Dungkon hulehon ma rohangku tu ho
Laos gabe munggil roham sian au
314.Pingkiri denggan
Pingkiri ma jolo sangkidop mata pe
Na adong dope holong ni rohanta
Au dohot ho nirahut ni padan
Di jolo ni Tuhan i
Alusi ma jolo sangkababa pe
Na tubu dope sada ni rohanta
Tu dolok au lao tu toruan do ho
Tu julu au lao tu pudi do ho
Hasian sotung tubu tu roham
Hata sirang sirang sian au
Rohangki hot do i tu ho
Pingkiri ma jolo pingkiri denggan
315.Ho do paulaean
Ho do paulaean ho do pangunsandean
Naeng nian au raphon ho tongtong
Di angka nipi nang di na patar
Ho do pangondianku ho do dongan margait
Dang tarbaen au dao sian ho hape
Tung laos holan sangkidop mata pe
Unang ito unang tadinghon au
Togihon au tudia pe ho lao
Unang ito unang arsaki au
Sai anju ma au di pambahenanki
Dang marhasoan lungun ni roha
Molo dao au sian ho
316.Rap marluga
Rap marluga hita sada solu
Alai asing asing do tujuanta
Habinsaran do sijalahanta
Tu hasundutan do ditodo ho
Songon i ma parsaripeonta
Somarna tulus sangkap ni rohanta
Soadong tahe sada ni roha
Sai tong marsiboan rohana be
Tung so huboto do manang na begu aha
Sorop tu ho inang parsondukbolonku
Gumodangan nama di hita tubu bada
Ala ni na soada be dos ni rohanta
Maniding au sala manjorbing au sala
Soadong be hasoanku da inang
Goarna do hita marluga sada solu da inang
Alai asing asing do tujuanta
317.Molo lao ho mardalani
Molo lao ma ho ito mardalani
Tu na dao manang tu na jonok i
Tongos suratmi tu au laos paboa baritam
Asa boi au pajumpang dohot ho
Di tingki parpoltak ni bulan tula
Hundul au maranganangan hasian
Sai huingot ho ito na jonok di lambungki
Hape naung lao do ho manadinghon au
Dung tundal ho sian au
Sian simalolonghi da hasian
Hape lao do ho ito tu na dao
Tumuntun lomomi sai lao do ho
318.Holong mangalap holong
Tanganta marsitogutoguan
Nang rohanta marsitomutomuan
Denggan hita marsielekelekan
Tondinta i ma tutu marsigomgoman
Tabo do angka na martinodohon
Molo saroha sude disi ulaon
Holong ma tabaen mangalap holong
Sai horas ma jala gabe hita on
Di huta angginta siampudan
Sai hahanta borhat tu pargadongan
Amanta nang inanta tu balian
Ibotonta paradehon panganan
Dao hita sian parsalisian
Tu tabona dapot parsaulian
Holong ma tabaen mangalap holong
Sai horas ma jala gabe hita on
Tona ni da ompu i ompunta sijolojolo tubu
Manat mardongan tubu sai elek hita marboru
Somba marhulahula sai burju tutu marroha
Pos tondimadingin sai pir tondimatogu
Hita na marsangkap Tuhanta i mamasumasu
319.Holong ni rohangki
Holong ni rohangki tu ho da hasian
Na so muba i ito da na lagu
Dao pe ho ito sian lambungki
Alai rohangki sai hot do i tu ho
Manang tu dia pe au lao
Jonok do ho di lambungki
Karna hanya kau dalam hatiku
Dang adong panggantimi
Sai unang ma nian ito mardua holongmi tu au
Ala ni cintaki nunga cinta mati ito da hasian
320.Tinta na rara
Ito ai aha do salahku
Sataon au sai tarpaima
Nanggo tung sangkababa
Soada barbarita suratmu pe so ro
Ito atik naung adong do
Lao panggantingku di lambungmu
Paboa ma tu au asa haru huboto
Lao manuntun langkangki
Hape di na so panagaman
Ro ma tu au surat na martinta na rara
Marabur ilungki sopamotoan
Didokhon ho tu au ho naung martunangan
Sai horas ma ho ito sai gabe ho ito
Ai nang pe tung hansit pambaenanmon tu au
Ito selamat jalan ma di ho
=’mE�<ntp� �$�=”” rgin-right:11.7pt;=”” margin-bottom:0in;margin-left:0in;margin-bottom:.0001pt;text-align:center;=”” line-height:normal’=””>Papos roham inang dang na lupa au marinang
Nitahi roha mulak da sibahenon na soada
Tudia hapuasan ia so ilu maraburan
Soada pangondian na laho pangalualuan
Na boi parsalian pasombu sihol tu dainang
Nang pe songoni bagianki dang mandele au disi
Martangiang ho inang tu mulajadinabolon
Anggiat boi muba inang bagianki
Martangiang ho inang tu mulajadinabolon
Anggiat boi muba inang bagianki
217.Unang ambati au
Nunga tung mahiang iluilu sian mata
Hape laos so marna sun arsak na di rohangki
Ala ni pambaenanmi ho ito haholongan
Jalo ma ito tanda na nilehonmon
Tung borat pe rohangki hutanggalinama i
Molo i nama ito i nama pinangidom
Nunga tung manasai gale huhilala
Paihutihut roham hape tung so adong di ho ito
Panghilalaan di parsorionki
Ai dang tolap au sai tangis ito binaen ni arsakhi
Tung na mumbang pe au nang lonong pe au
Unang unang ambati be au
218.Tobu sirara
Tobu sirara i, tobu sirara i
Dilehon dainang tanda mataki di ho
Diponggol dainang dihilhil ho ma i
Mansai tonggi didok ho tu dainang
Dainang i do mangaririt ho
Dainang i do mangaririt ho
Boi gabe rongkaphu boi gabe rongkaphu
Boru ni rajanami
Dainang i do na manodo ho
Dainang i do na manodo ho
Boi gabe rongkaphu boruni rajanami
Inang ni gellengku
219.Butet
Butet dipangungsian do amangmu ale butet
Da margurilla da mardarurat ale butet
Da margurilla da mardarurat ale butet
Butet sotung ngolngolan rohamu da ale butet
Paima tona manang surat ale butet
Paima tona manang surat ale butet
Idoge doge doge ida idoge doge doge
Idoge doge doge ida idoge doge doge
Butet tibu do mulak au amangmu butet
Musunta ingkon saut do talu ale butet
Musunta ingkon saut do talu ale butet
Butet haru patibu ma magodang ale butet
Asa adong da palang mera ale butet
Da palang mera ni negara ale butet
220.Ubati rohangkon
Ito ito da hasian ito ito da haholongan
Dua bulan dang pajumpang dohot ho
Busisaon busisaon au ito susa au gabe susa rohangki
Ito didia ho nuaeng ito tung ro ma ho tuson
Ubati jo ubati jolo rohangkon
Malungun au malungun au da hasian
Ro ma ho ro ma ho tu lambungkon
Dang sanggup au molo marsirang sian ho
Dang sanggup au molo dao ho sian au
Unang unang tinggalhon au ito
Ai holan ho ai holan ho do di rohangku
Husubut pe husubut pe roham ito
Asal ma asal ma ho di lambungki
Asi roham asi roham di au ito
Di rohangki holan ho do hasian