Lirik lagu Batak 021-040

021.      Nunga dua gabe sada

So ma ho di haposoon hot ma ho di hatuaon

Sadari on manjalo pasupasu sian Tuhan i di gareja i

Borhat ma ho boru borhat ma ho boru raphon tangiangki

Nunga dua gabe sada hamu boru tu helangki

Tung burjuburju hamu marnatuatua i

Borhat ma ho boru borhat ma ho boru raphon tangiangki

Tubuan laklak tubuan singkoru tubuan anak hamu tubuan boru

Na sangap jala martua dijolonta nang di jolo ni Tuhan

Gabe ma ho boru gabe ma ho boru gabe ma ho boru raphon helangki

022.      Arta na sumurung

Unang sai mangapian ho inang

Marnida angka jolma i da naung maduma i

Ai parngoluon on inang marganti soring do

Ai so adong na hot dihasiangan on

Ai molo tarimangi do inang

Tung sohasuhatan do basa ni Tuhan i

Di au dohot ho inang inang siadopan

Rodi sude tahe angka gellengta on

Tangiang ma tagogo tu mulajadinabolon da inang

Tadok mauliate di pasupasu naung tajalo i

Dilehon do dihita inang hahipason ni daging nang tondi

Dilehon do di hita inang ganjang ni umur na uli

Dilehon do dihita inang hagabeon di anak nang boru

Ido arta na sumurung i

023.      Sai anju ma au

Aha do alana dia do bonsirna hasian

Umbaen sai muruk ho tu au

Molo tung adong na sala na hubaen denggan pasingot hasian

Molo hurimangi pambahenanmi na tu au

Nga tung maniak ateateki

Sipata bonsir soada nama i dibahen ho mangarsak au

Molo adong na sala manang na hurang pambahenanki

Sai anju ma ua sai anju ma au ito hasian

Sai anju ma au sai anju ma au ito na lagu

Sai anju ma au ale inang ni si uncokku

Unang ho marsak ala ni parmituonki

Ai aha ma sidohononku hasian

Ai kamput i napasonanghon rohangki

Unang mandele ho dainang ni dakdanakku

Unang sai marsak ho ala ni parmituonki

Ai aha ma sidohononku hasian

Ai kamput i napasonanghon rohangki

Sai anju ma au ale inang ni si uncokku

Unang ho marsak ala ni parmituonki

024.      Poda ni dainang

Marsinggang ho inang di lage podomanmi

Manangianghon manangianghon manangianghon hami gellengmon

Sai dimemehon ho angka nadenggan i

Na gabe sulu na gabe sulu na gabe sulu di ngolunami

Sabar do ho inang paanjuanju hami gellengmon

Sian na menek sian na menek sian na menek sahat rodi magodang

Ai gabe sulu podami diparngolungoluanki

Anggiat dapot au inang songon burjum parsondukhi

025.      Holan tu ho do

Engkelmi ma da ito mambaen sai las rohangku

Tung dao au sian ho sai tong tu ho rohangku

Lagumi ma da ito na mangago da rohangki

Tung so lupa au tung so tarlupahon lambok ni hatami

Lao pe au dao holan tu ho sai hot tu ho do lao rohangku

Godang angka na uli tung soada tudosanmu di rohangku

Sai holan tu ho holan tu ho do rohangki

026.      Surat undangan

Hata ni damang do ito siporiban na huoloi

Umbaen taronjar rohangki da laho muli

Tu ho ito hela natinodo ni rohana i

Dang na soada da ito da bogashi

Dungkon tarunduk au anak ni namboru hata ni damang i

Marpungu ma raja parhata dongantubu i

Sude sisolhot nang dongan sahuta i

Lao manghatai taringot parbogasonki

Hape dungkon mardalan gokkon joujou i

Tu angka tondong sisolhot dongan sahuta i

Hape tompu munggil roham tu boru ni namora i

Sadari nai nama pamasumasuonta i

Dapot ma ari naung tarsurat di undangan i

Marroan ma angka na torop mangadopi pesta i

Tung longang jala tarhatotong do sude loloan i

Ala so ada ho ito dilambungki

Gabe maila maila maila rohangki

Dang taralusi au ito sungkunsungkun ni jolma i

Margabus ma damang dainang tuangka natorop i

Gabe ilungku maraburan hapuasan ni arsak hi

027.      Sai togu au

Sipata lilu do roha lao mamillit dalan na sintong

Disan niida bunga dison ma gabagaba

Marungkil ma parroha na gale

Sipata mago do roha jumpa hagogotan ro tahe

Disan mariaia dison soada mara

Tudia ma parroha na male

O Tuhan unang tadinghon au sai togutogu au di nasa langkangki

O Tuhan unang pasombu au sai togutogu au tu dalan na sintong

028.      Ito na basa

Ito na basa, ito na lagu hasian

Didia ho didia ho dapothononku

Tung so sirang ito anggo au sian ho hasian

Beha roham dok ma hatam alusi au

Aut na diboto ho ma ilungku na sai maraburan

Aut na diboto ho ateateku malala di bagasan

Pikkir ito marbilangbilang ma ho hasian

Didia ho didia ho dapothononku

029.      Melbok cintaki

Melbok melbok manang di luar serpis area

Melbok melbok melbok ma tutu da henponmi

Melbok melbok henponmi

Molo angka donganmi tahe mangkolling ho

Tung mansai hatop do ro alusmu

Hape ia dung nomorhu do diida ho

Tompu ma nengel henponmi

Tompu ma melbok henpon mi

Melbok melbok maradu di julbahi ateate

Melbok melbok maradu tok ma ulu sipata

Melbok melbok henponmi

Ia hatam tu au tingki i mangido i

Asa muramura do ho luluan

Potong gaji pe hutaon ma hasianku asal ma lancar bisnismi asal ma sonang rohami

Sogo sogo sogo ni rohangki sobinoto tudia ho luluan

Loja loja loja pingkiranki parmulakmu pe dang tarpaima

Ue da hasian sotung melbok cintaki

Ue da hasian sotung melbok holongki tu ho

030.      Pasangaphon natoras

Unang sai maranganangan ho amang amang parsinuan

Sai diparbaga rohami sudena gellengmi

Marsingkola na timbo

Hape na sibahenonmi do na so ada

Umbaen gotap singkolangki di tongan dalan

Unang ma sai solsoli molo dung pandokkon ni sibaran

Antong pabulus rohami

Molo so dapot pe napinarsintami

Alai tangiang ma gogoi tu Tuhan i

Ssa horashoras amang pomparanmi

Tung tabo do nian amang parsingkola na timbo

Tung godang do na hasea jala sonang ngoluna

Dang songon au sitaon na hansit

Tung pe songon i amang soadong singkolangki

Dang na gabe pangambati di au borumon

Na lao pasangaphon natorasna

Tung sangap do ho amang di au borumon

Sahat ro di ujung ni ngolungki

031.      Turpuk parngoluan

Lima do inang ni gellenghu jari ni tangan

Sude do i marsiganjangganjangi

Songoni do anggo parngoluon on inang

Adong do na mamora nang na pogos

Dang pola sai sungkunsungkun roham da hasian

Ai i do anggo turpuk parngoluon

Dang na so hutaon udan habahaba i

Mangalului dalan ni ngolu i

Pogos do hita anggo di arta portibi on

Alai tung so mandele ho inang

Tahokkop ma sude tahe angka gellengta i

Ai ido anggo arta na ummarga

Marsiaminaminan inang songon lampak ni gaol

Marsitungkoltungkolan hasian songon suhat di robean

Molo tung na pandokkon ni bagian

Sude na i na ingkon sijaloon

Molo tung songoni gurat ni tangan

Mauliate ma tadok tu Tuhan i

032.      Boru panggoaran

Ho do boruku tampuk ni ateateki

Ho do boruku tampuk ni pusupusuki

Burjuburju ma ho na marsingkola i

Asa dapot ho nasininta ni rohami

Molo matua sogot au ho do manarihon au

Molo matinggang au inang ho do na manogunogu au

Ai ho do boruku boru panggoaranki

Sai sahat ma da na di rohami

Ai ho do boruku boru panggoaranki

Sai sahatma da na di rohami

033.      Hu gorga

Holan ho do di rohangku holan ho ho sasada ho

Tung so muba tung so mose sahat di ujung ni ngolungki

Hansit nang sonang rap hita manaon

Rap sai rap au dohot ho

Marsianjuan marsiaminan ai ido na sai huparsinta

Anju ma au ito da hasian

Di angka pambahenanki na so denggan

Anju ma au ito da hasian

Di angka pambahenanki na so denggan

Holong ni rohangki tu ho hasianku

Sai hot do holongki hugorga do di bagas rohangki

034.      Halilum nama donganku

Aha be sidohononku dia be hatahononku hasian

Lao ma ho lao ma ho tu na dao

Tinggal ma sasada au halilum nama donganku hasian

Ingot au sai ingot au di na dao

Unang lupa ho ito marbarita ho tu au

Lao paposhon rohangki

Sotung lupa ho ito dipadanta na togu

Ingot ma au da hasian

Paimaonku do haroromi ito

Hatop manang leleng paimaonku do

035.      Dang na turpukta hamoraon

Unang be sai marsak ho amang

Molo tung gotap singkolami

Aut na boi mansari au nian

Taonhononku do humonghop ho

Dang na mora hita da amang

Manang par hauma na bidang

Aut tarbaen gogongku ma nian

Ndada na manjua au tu ho

Aut di lambungku damang parsinuanmi

Ra tolap au dope pasingkolahon ho

Alai so sorang dope ho hasianku

Dang dipaima be haroromi

036.      Unang sai sungguli be

Unang sai sunggulsungguli be angka naung salpu i

O inang ni gellengku unang ho sai cemburu

Naung gabe do au dohot ho unang sai sungguli be

Sipata soada ala muruk ho tu au

Molo sipata hohom au hundul di lambungmu

Mumut ma lagam tu au

Na marningot hallehi au didok ho

Alai dang diboto ho ale inang

Manang aha di bagasan rohangki

Soada be na asing hasian holan ho sasada ho

Nang sipata au hohom dilambungmi

Dang adong asingasing pingkiranki

Ngolu ni gellengta i do da inang ido na sai hupingkiri

Unang sai sungguli be naung salpu i

Unang sai sungguli be naung salpu i

037.      Dongan saurmatua

Unang sai lomos be roham inang simatuaku

Di langka ni helamon

Tung godang manggoda au di pardalananki

Tu borumi do rohangki

Huingot do ale inang

Dipoda ni dainang i sipangintubu i

Ia borumi inang parumaen na tinodo

Donganku gabe saurmatua

Nang pe ganjang dalan sidalananki

Tongtong do bohi ni borumi dohot pahompumi

Na sai mian di matangki

Pinasada ni Tuhan i tung so boi sirangon i

Pos ma roham inang

Borumi donganku gabe saurmatua

038.      Unang pintor mandele

Unang ho mandele jala unang pintor marsak

Molo ro tu ho angka siatonon i

Ingkon sabar ho lao manaon sudena parsorionmi

Dohot angka sodangolon i

Sai ula ma angka na denggan sabar ma molo tung adong pe na manusai pingkiranmi

Asa sonang roham asa sonang roham lao mangula sasude angka ulaon siganup ari i

Molo sabar ho jala burjuburju ho lao mangula angka siulaonmi

Dang tagamon so dapotmu sasude angka napinarsinta ni rohami

Denggan ma nang parngoluaonmu jala sonang ma nang pingkiranmu so hariboriboan i

Jala angkupi i unang ma ginjang roham unang ma leas roham marnida jolma na mauas na male

Dos do nagkokna jala dos do nang tuatna anggo di parngoluon on

Molo sinuan hassang hassang do na tubu

Molo sinuan gadong gadong na tubu

Molo sinuan na denggan sai na denggan do na ro

Molo sinuan na roa sai na roa do na ro

Dibahen i ula ma angka na denggan jala sai urupi angka jolma na mauas na male dohot na loja na gale

Asa denggan sude asa renta sude

ai on do dihalomohon ni Tuhan i

039.      Unang ala ni arta

Dirohangki nian ito unang ala ni arta

Dirohangki da hasian unang ala ni rupa

Mabiar au ale ito gabe muba roham tu au

Anak ni na susa do au jala na putus singkola

Ai dang gulut di arta au jala gulut di rupa

Nalaho salpu do sude arta na di tano on

Dos ni rohanta i ito ai ido na umarga

Hadameon i do hasian na hujalo sian ho

Sada ma hita rap tu dolok tu toruan

Marsianjuan jala masiasian

Padao ma sude angka parsalisian

Molo hansit jala dangol rampak manaon

Dirohangki dirohami da hasaian sada ma hita unang muba unang mose

Dirohangki dirohami da hasaian sada ma hita masianjuanjuan

 

040.      Sai hului ho

Sai hulului hulului ho dilambungki dipodoman i

Borngin i marnipi au tu ho

Hutiop tanganmi mansai gomos

Hupatolhas na solot di rohangki

Huhut sai maraburan ilungki

Diapusi ho ma ilungki

Dohot saputangan na bontar i

Hupanotnoti dompak bohimi

Laos dohot ho gabe tariluilu

Manogot i di na tarsunggul au

Huida ho soada dilambungki

Sai hulului hulului ho

Dilambungki na di podoman i

Huingot ma naung lao do ho naujui

Tu nadao tu na dao

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s